အခန်း (၃၅)
ဝက်လက်များ ချက်ပြုတ်ရန် အချိန်ကို ကောင်းကောင်းအသုံးချပြီး ရှန်းထင်ရွှမ်းက သူမ ခူးယူခဲ့သည့် တရုတ်ဘယ်ရီသီးများကို ထုတ်ယူကာ ရေဖြင့်ဆေးလိုက်ပြီး တခြားအိုးထဲတွင် ထည့်လိုက်သည်။
ဤအိုးကို ရှန်းထင်ရွှမ်းက ဗီဗီ၏ တိုက်ရိုက်ထုတ်လွှင့်မှုတွင် ဝယ်ခဲ့သည်။ လျှပ်စစ်မီးဖိုလည်း ပါလာခဲ့သည်။ ၎င်းက ဆောင်းတွင်းတွင် ဟော့ပေါ့လုပ်စားရန် အသုံးဝင်နိုင်ပေသည်။ သို့သော် ထိုအချိန်၌ ရှန်းထင်ရွှမ်းက တရုတ်ဘယ်ရီသီးဖျော်ရည်ကို ပြုလုပ်ရန် ၎င်းကို အသုံးပြုလိုက်ပြီဖြစ်သည်။
ရေအပြင် ရှန်းထင်ရွှမ်းက သကြားခဲပိုင်းများကိုလည်း ထည့်လိုက်သည်။
တိုက်ရိုက်ထုတ်လွှင့်မှုအခန်းထဲတွင် မှတ်ချက် အနည်းငယ်မျှ မရှိပေ။
[ငါ နိုင်ငံတကာက ဘလော့ဂါတစ်ယောက်ကို follow လုပ်ထားရသလိုပဲ။]
[ငါ ဗိုက်နည်းနည်းဆာလာသလိုပဲ။]
[နင် ဘာလို့ ငါရုံးပြန်တဲ့လမ်းမှာ ဒါကို ပြနေရတာလဲ။ အရမ်းရက်စက်တာပဲ။]
[ငါ အပူရှပ်ပြီး အရမ်းပူနေခဲ့တာ။ အခုတော့ တရုတ်ဘယ်ရီသီးဖျော်ရည်တစ်ခွက်လောက် သောက်ချင်နေပြီ။]
…
ရှန်းထင်ရွှမ်းက ဖုန်းကို ကြည့်ရန် အချိန်မရှိပေ။ ဝက်လက်အိုးထဲရှိ ရေက ဆူပွက်နေပြီဖြစ်သည်။ ရှန်းထင်ရွှမ်းက ၎င်းအထဲသို့ သကြားခဲကို ထည့်လိုက်ပြီး အပူချိန်လျှော့ရန် ထင်းတချို့ကို ထုတ်လိုက်သည်။
ဘယ်ရီသီးဖျော်ရည်က စတင် ဆူပွက်လာခဲ့သည်။ ရှန်ထင်ရွှမ်းက တူတချို့ ထုတ်လိုက်ပြီး နှစ်ကြိမ်ခန့် မွှေလိုက်သည်။ ထို့နောက် တရုတ်ဘယ်ရီသီးကို ယောက်မဖြင့် ဖိလိုက်သည်။ ဘယ်ရီသီးဖျော်ရည်ကို လောင်းမထည့်ခင် နောက်ထပ်နှစ်မိနစ်ခန့် ကျိုချက်လိုက်ကာ ကြီးမားသည့် ဖန်ပုလင်းတစ်လုံးထဲသို့ လောင်းထည့်လိုက်သည်။ သူမက ပန်းကန်လုံးတစ်လုံးသို့ ၎င်းကို ထည့်လိုက်ပြီး ရေအေးထဲတွင် စိမ်ထားလိုက်သည်။
ရှန်းထင်ရွှမ်းက တိုက်ရိုက်ထုတ်လွှင့်မှ သူမ ဝယ်ခဲ့သည့် ရေခဲသေတ္တာအကြောင်း တွေးနေမိသည်။ သူမက တရုတ်ဘယ်ရီသီးဖျော်ရည်အေးအေးလေး မကြာခင် သောက်နိုင်လိမ့်မည်ဟု တကယ်ပဲ မျှော်လင့်မိပေသည်။
သူမက တရုတ်ဘယ်ရီသီးဖျော်ရည်အတွက် အသုံးပြုထားသည့် အိုးကို ဆေးကြောလိုက်ပြီး ရေနွေးအိုးတည်လိုက်သည်။
အိုးထဲရှိ ဝက်လက်များနှင့် စွပ်ပြုတ်၏အရောင်က တဖြည်းဖြည်း ပြောင်းလဲလာခဲ့ပြီး ရှန်းထင်ရွှမ်းက အိုးထဲသို့ ရေနွေးများကို လောင်းထည့်လိုက်သည်။ ထို့နောက် ကျန်နေသည့် ချင်းပြားတချို့ကို ထိုအထဲသို့ ထည့်လိုက်သည်။
[အစ်မလေး ဟင်းခတ်အမွှေးအကြိုင်မထည့်ဘူးလား။]
[ဟုတ်တယ်။ ငါတွေးနေတာ။ တခြားလူတွေရဲ့ ဝက်လက်ဟင်းက ဟင်းခတ်အမွှေးအကြိုင်ပါတယ်။]
[လေးညှင်းပွင့်တွေနဲ့ သစ်ကြံပိုးခေါက်တွေထည့်တာက အရသာကို ပိုကောင်းသွားမယ်လို့ ငါထင်တယ်။]
[ဒါပေမဲ့ အရောင်က အရမ်းကောင်းတယ်နော်။]
……
နောက်ဆုံးဝက်သားများကို ဖျော်ရည်ထဲသို့ စိမ်လိုက်သည့်တိုင် ရှန်းထင်ရွှမ်းက တခြားမည်သည့်ဟင်းချက်အမွှေးအကြိုင်ကိုမှ မထည့်ခဲ့ပေ။ ဆန့်ကျင့်ဘက်အနေဖြင့် သူမက စွပ်ပြုတ်ရည်ပျစ်ပျစ်ကို ခပ်ယူလိုက်ပြီး ဝက်လက်များပေါ်တွင် လောင်းလိုက်သည်။ ၎င်းကို အကြိမ်များစွာ လုပ်လိုက်ပြီး ထည့်လိုက်သည်။
ညိုဖျော့ဖျော့အရောင်ရှိသည့် ဝက်လက်များနှင့် ကြက်သွန်မြိတ်တို့က စားချင်စဖွယ်ဖြစ်နေပေသည်။
[ငါ ဝက်လက်ကို မုန်းတယ်။ ဒါပေမဲ့ ဒီနေ့ ငါ ဒါကို စားနိုင်တယ်လို့ ပြောလို့ရတယ်။]
[ငါ အိမ်ပြန်တဲ့လမ်းပေါ်မှာ။ ဒါပေမဲ့ ငါ အခု ဝက်လက်စားဖို့ သွားနေပြီ။]
[အစ်မလေးရဲ့ ဝက်လက်လိုမျိုး ပုံစံတူ မှာထားပြီးပြီ။ အခုချက်ချင်း စစားလိုက်တော့မယ်။]
[ဝိတ်ချတဲ့အစီအစဉ်မှာပါတဲ့သူတွေသာ ဒါကို မြင်ရင် သူတို့က ဒီနေ့ည အစားလျှော့စားတာကို နားမယ်လို့ ပြောလောက်တယ်။]
…
ရှန်းထင်ရွှမ်းက တရုတ်ဘယ်ရီသီးဖျော်ရည်တစ်ခွက်ကို ထည့်ရန် သွားလိုက်သည်။
သူမက ဝက်လက်များနှင့် တရုတ်ဘယ်ရီသီးဖျော်ရည်တို့ကို ထမင်းစားခန်းထဲသို့ ယူသွားလိုက်ပြီး သူမ၏ ဖုန်းကို ယူရန် သွားလိုက်သည်။
“ဒီနေ့ တိုက်ရိုက်ထုတ်လွှင့်မှုကတော့ ဒီလောက်ပါပဲ၊ ဒါပေမဲ့ မပိတ်သေးခင် လူဆယ်ယောက်ကို မဲဖောက်ပေးပါမယ်၊ ဒီနေ့ ကျွန်မ ကီဝီသီးများကို မဲဖောက်ပေးပါ့မယ်၊ အခုက လူနည်းနည်းလေးဆိုတော့ ပို့ဆောင်ခကို ပေးစရာမလိုပါဘူး “
ရှန်းထင်ရွှမ်းက စတင်မဲနှိုက်လိုက်သည်။ မဲနှိုက်ပြီးနောက် သူမက အင်တာနက်အသုံးပြုသူများကို နှုတ်ဆက်လိုက်ပြီးနောက် ငြိမ်းငြိမ်းချမ်းချမ်းပဲ သူမ၏ ဝက်လက်များကို စားရန် စတင်လိုက်သည်။
အင်တာနက်အသုံးပြုသူများက ဆွံ့အသွားကြသည်။
[အစ်မလေး ကျွန်တော်တို့ကို ခင်ဗျားစားတာ ဘာလို့ ကြည့်ခွင့်မပေးတာလဲ။]
[ငါလည်း အားရွှမ်း ဝက်လက်စားတာကို ကြည့်ချင်တယ်လေ။]
…
ထိုအချိန်တွင် ရှန်းထင်ရွှမ်းက သူမ၏ဝက်လက်များကို ပျော်ရွှင်စွာ စားသောက်နေတော့သည်။
အချိန်အတော်ကြာ ချက်ပြုတ်ပြီးနောက် ဝက်လက်များက နူးညံ့အိစက်နေပေသည်။ သူမက မည်သည့်ဟင်းခတ်အမွှေးအကြိုင်မှ ထည့်မထားသည့်တိုင် တစ်ကိုက်ကိုက်လိုက်ပြီးနောက် မွှေးရနံ့သင်းပျံ့နေပေသည်။ လေးညှင်းပွင့်နှင့် သစ်ကြံပိုးခေါက်တို့က ဝက်လက်များ၏ မွှေးပျံ့သည့်ရနံ့ကို အကျိုးသက်ရောက်မှုရှိမှာ သူမက စိုးရိမ်နေခဲ့သည်။
ချင်းနှင့် ဟင်းချက်ဝိုင်တို့က ဝက်လက်၏ အညှီနံ့ကို ကောင်းစွာ ဖယ်ရှားပေးနိုင်ပေသည်။
ဤဝက်လက်ကို ချက်ပြုတ်နေစဉ်အတွင်း မီးနည်နည်းများသွားခြင်း ဖြစ်နိုင်ပေသည်။ ထို့ကြောင့် ၎င်းက မီးခိုးနံ့အနည်းငယ် ရှိနေပေသည်။
သို့သော်လည်း သကြားခဲက ဤအနံ့ကို ဖုံးထားနိုင်ပြီး ကြက်သွန်မြိတ်များ၏ရနံ့ကလည်း ဝက်လက်များ၏ အားနည်းချက်ကို ဖုံးကွယ်ထားနိုင်ပေသည်။
ရှန်းထင်ရွှမ်းက ဝက်လက်များ၏ သုံးပုံတစ်ပုံကို စားလိုက်ပြီးနောက် တရုတ်ဘယ်ရီသီး ဖျော်ရည်တစ်ခွက်ကို သောက်လိုက်ကာ သူမကိုယ်ကို ကျေနပ်အားရစွာ လေတက်လိုက်သည်။
……
ထိုင်ခုံပေါ်တွင် ခဏလောက် ထိုင်ပြီးနောက် ရှန်းထင်ရွှမ်းက Weibo ကို ဖွင့်လိုက်ပြီး မှတ်ချက်များကို ပွတ်ဆွဲလိုက်သည်။ အရင်က ရှောင်ဖုန်း ပြောခဲ့သည်ကို မြင်သောအခါ ၎င်းတို့က တကယ်ပဲ သူမခံစားချက်ကို သက်ရောက်မှု ရှိပေသည်။
ရှန်းထင်ရွှမ်းက ဖုန်းကို ချလိုက်ပြီး ပန်းကန်ပြားများနှင့် ခွက်များကို မီးဖိုချောင်ထဲသို့ ယူသွားလိုက်သည်။
ရှန်းထင်ရွှမ်းက ယနေ့ည တိုက်ရိုက်ထုတ်လွှင့်မှုကို မကြည့်ခဲ့ပေ။ သို့သော် ရှောင်ဖုန်းပြောသည့် နည်းလမ်းများအတိုင်း အွန်လိုင်းစတိုးဆိုင်တစ်ခုဖွင့်လိုက်သည်။
ဆိုင်နာမည်က “အားရွှမ်းဆိုင်” ဖြစ်သည်။
လက်ရှိတွင် ရှန်းထင်ရွှမ်းက ရှင်းယွမ်ရှန်မှ အသီးများနှင့် ဟင်းသီးဟင်းရွက်များအားလုံးတွင် ဆီးသီးများကိုသာ ဓာတ်ပုံရိုက်ထားခဲ့ရသည်။ ထို့ကြောင့် ရှန်းထင်ရွှမ်းက ဆီးသီးပုံများကိုသာ ပို့စ်တင်လိုက်သည်။ သို့သော် လက်ကျန်ပစ္စည်းတော့ မရှိသေးပေ။
အိပ်ရာမဝင်ခင် သူမက မေးလိုက်သည်။ “စနစ်၊ မနက်ဖြန်က တာဝန်က ဘာလဲ “
စနစ်။ “…”
ကောင်းပြီ။ အရေးကြီးတဲ့အချိန်ဆို သေချင်ယောင်ဆောင်နေလိုက်။ ရှန်းထင်ရွှမ်းက မျက်လုံးများကို မှိတ်လိုက်ပြီး စတင်အိပ်စက်လိုက်တော့သည်။
တာဝန်ကိုတော့ သူမက မနက်ဖြန် မနက် ၅နာရီ၌ သိရပေလိမ့်မည်။
…
မနက် ၅နာရီ၌ စနစ်၏တာဝန်က အချိန်ကိုက် ရောက်လာခဲ့သည်။
“ကျေးဇူးပြုပြီး ၁၉နာရီအတွင်း မတူညီသည့် ဟင်းသီးဟင်းရွက် အမျိုး ၂၀ကို ထုတ်လုပ်ပါ။ “
ရှန်းထင်ရွှမ်း။ “???”
ဘာလဲဟ။ မနေ့က အသီးဆိုပြီး ဒီနေ့က ဟင်းသီးဟင်းရွက်ဖြစ်သွားပြန်ပြီ။ အဓိကက အမျိုး ၂၀ တောင်လေ။
ရှန်းထင်ရွှမ်းက မတုံ့ပြန်သည်ကို မြင်သောအခါ စနစ်က ထပ်မံ ထုတ်ပြန်လိုက်သည်။ “ကျေးဇူးပြုပြီး ၁၈နာရီ ၅၉မိနစ်အတွင်း မတူညီသည့် ဟင်းသီးဟင်းရွက် အမျိုး ၂၀ကို ထုတ်လုပ်ပါ။ စနစ်မှ ဝိညာဉ်စွမ်းအင် ၁၉ % ကို ပြန်လည်ဖြည့်တင်းပေးပါမည်။ “
ရှန်းထင်ရွှမ်း။ “မနက်ဖြန်ကျ အမျိုးအစားမတူတဲ့ အပင်အမျိုး ၄၀ ဖြစ်လာတော့မှာပဲ “
စနစ်။ “ကျွန်ုပ်မသိပါဘူး “
ရှန်းထင်ရွှမ်း။ “…” ဒါဆို နင်က ဘာသိတာလဲ။
ရှန်းထင်ရွှမ်းက ခဏကြာ တွေးနေပြီးနောက် မေးလိုက်သည်။ “ဒါဆို ငါ့ကို အရင်ဆုံးပြော၊ နွေကြက်သွန်နီ၊ ချင်း၊ ကြက်သွန်ဖြူ အဲ့လိုမျိုး ဟင်းသီးဟင်းရွက်တွေရော ထည့်တွက်လား “
“ရတယ်”
စနစ်က ပြန်ပြောပြီးနောက် ရှန်းထင်ရွှမ်းက ထရပ်လိုက်ပြီး တောင်ပေါ်တွင် သူမစိုက်ပျိုးထားသည့် ဟင်းသီးဟင်းရွက်များကို တွက်ချက်နေရင်း အသီးများကို စတင်ကောက်ယူနေလိုက်သည်။
ယခင်က သူမပြောထားခဲ့သည့် ကြက်သွန်မြိတ်၊ ချင်းနှင့် ကြက်သွန်ဖြူတို့အပြင် ဂေါ်ဖီထုပ်၊ ငရုတ်ကောင်း၊ သခွားသီးနှင့် ရွှေဖရုံတို့လည်း ပါဝင်ပေသည်။
ဟင်းသီးဟင်းရွက်အများစု၏ ကြီးထွားမှုကာလက အသီးများထက် အချိန်ပိုနည်းသော်လည်း ဝိညာဉ်စွမ်းအင်ဖြင့် ရေလောင်းရန် အကြိမ်အနည်းငယ်ခန့် လိုအပ်ပေသည်။ ယနေ့တာဝန်ကို ပြီးမြောက်ရန် မတူညီသည့် ဟင်းသီးဟင်းရွက်အမျိုးအစား ၂၀ လိုအပ်ပေသည်။
မကြာသေးခင်က ရှင်းယွမ်ရှန်တွင် ဟင်းသီးဟင်းရွက် ၇မျိုးသာ ရှိခဲ့သောကြောင့် ထုတ်လုပ်ရန် ဟင်းသီးဟင်းရွက် ၁၃မျိုး လိုအပ်ပေသည်။
ခြံဝင်းအတွင်း လျှောက်သွားပြီး ရှန်းထင်ရွှမ်းက မုန်လာဥဖြူ၊ မုန်လာဥနီ၊ ပဲစိမ်း၊ ဝဥနှင့် ခရမ်းချဉ်သီးစသည့် ဟင်းသီးဟင်းရွက် ၅မျိုးကို ရေလောင်းလိုက်သည်။ ၎င်းတို့အားလုံးက ယာမြေတစ်ဧကခန့် ရေလောင်းရပေသည်။
ဝိညာဉ်စွမ်းအင်က ကုန်ခမ်းသွားသောအခါ ရှန်းထင်ရွှမ်းက ခဏလောက် နားလိုက်ပြီး ရေဆက်လောင်းရန် ဝိညာဉ်စွမ်းအင် ပြည့်ဝအောင် စောင့်လိုက်သည်။
သပွတ်သီး၊ ကြက်သွန်မြိတ်၊ ဟင်းနုနွယ်နှင့် ပန်းဂေါ်ဖီတို့လည်း ရှိပေသည်။
သူမက နောက်တစ်ခုကို ရေမလောင်းခင် စနစ်၏စက်ပိုင်းဆိုင်ရာအသံကို ကြားလိုက်ရသည်။ “၁၉ ခုမြောက် တာဝန်ကို ပြီးမြောက်ခြင်းအတွက် ဂုဏ်ယူပါသည်။ ဆုအနေဖြင့် ဝိညာဉ်သွေးကြော ၁၉% ကို ပြန်လည်ရရှိပါသည်။ “
ရှန်းထင်ရွှမ်း။ “???” ငါ ဟင်းသီးဟင်းရွက် ၁၀မျိုးပဲ ရေလောင်းရသေးတာလေ။
စနစ်က ရှင်းပြလိုက်သည်။ “သင်က ငရုတ်ပင် အမျိုးအစား ၄မျိုး စိုက်ထားလို့ပါ။ “
၎င်းတို့အားလုံးက ငရုတ်ပင်များဖြစ်ကြသော်လည်း အမျိုးအစား ကွဲပြားပေသည်။ ၎င်းတို့ကို လေးမျိုးအဖြစ် ရေတွက်နိုင်ပေသည်။ ရှန်းထင်ရွှမ်းက ဤအရာကို ရှာဖွေတွေ့ရှိပြီးနောက် အံ့ဩသွားခဲ့သည်။ “အရမ်းရိုးရှင်းတာပဲလား “
သူမက အနည်းငယ် အံ့အားသင့်သွားခဲ့သည်။ အမှန်တော့ ဤတာဝန် ပြီးမြောက်အောင် ပြုလုပ်နေစဉ် အတောအတွင်း သူမက နေ့တိုင်း တာဝန်များဖြင့် အလွန်အလုပ်ရှုပ်နေခဲ့ပြီး တာဝန်ကို အကြိမ်ပေါင်းများစွာ မပြုလုပ်နိုင်တော့ဘူးလို့တောင် ထင်မိခဲ့သည်။
မမျှော်လင့်စွာပင် ဤတာဝန်က ရုတ်တရက် ခက်ခဲသည့်အခြေအနေမှ ရိုးရှင်းသည့်အခြေအနေသို့ ပြောင်းလဲသွားခဲ့သည်။
…
တာဝန်က ယနေ့တွင် လျင်မြန်စွာ ပြီးဆုံးသွားခဲ့ပြီး အချိန်အများကြီး ရှိနေဆဲဖြစ်သည်။
သို့သော်လည်း ရှန်းထင်ရွှမ်းက အနားမယူရဲဘဲ စိုက်ပျိုးနေဆဲဖြစ်ကာ စနစ်က မနက်ဖြန်တွင် ပိုမိုများပြားသည့် တာဝန်များကို ပေးမည်ကို ကြောက်ရွံ့နေခဲ့သည်။
…
ရွာသားများက ရှင်းယွမ်ရှန်တွင် လွန်ခဲ့သည့် ရက်အနည်းငယ်က ထက်ပိုပြီး အသီးကတ်တီရာချီ ရောင်းချခဲ့ကြောင်း ရှာဖွေတွေ့ရှိသွားခဲ့ကြသည်။ သို့သော် ၎င်းတို့က လွန်ခဲ့သည့်ရက်များတွင် အများကြီး လျော့ကျသွားခဲ့သည်။ နေ့တိုင်း အသီးခြင်းတစ်ခြင်းစီသာ ရှိပြီး ၎င်းတို့က အလွန်လျင်မြန်စွာ ရောင်းကုန်သွားပေသည်။
သူတို့က ရှန်းထင်ရွှမ်းအား အသီးများပိုထည့်ထားပေးရန် အကြံပြုချင်ခဲ့ကြပြီး သူတို့က ရှန်းထင်ရွှမ်းနှင့် မဆက်သွယ်နိုင်ကြောင်း သိရှိသွားခဲ့ကြသည်။
များစွာသော ရွာသားများက မနက်ဖြန်မနက် ၇နာရီ၌ ရှင်းယွမ်ရှန်တောင်ခြေတွင် ၎င်းတို့ကို ဝယ်ရန် ဆုံးဖြတ်ခဲ့ကြသည်။
နေ့လယ်တွင် နောက်ထပ် ပို့ဆောင်ရေးကားကြီးက ရှင်းယွမ်ရှန်တောင်ခြေတွင် ရပ်လိုက်သည်။
ရှန်းထင်ရွှမ်းက မီးအိမ်များ၊ ကြမ်းခင်းများ၊ ကော်ဇောများကို ဝယ်ခဲ့ပြီး ယင်းတို့က အိမ်အလှဆင်ပစ္စည်းများ ဖြစ်ကြသည်။
…
ရှန်းထင်ရွှမ်းက ပစ္စည်းများကို ခြံဝင်းအပြင်ဘက်တွင် ထားရန် ဝန်ထမ်းများကို တောင်းဆိုလိုက်သည်။ ပစ္စည်းထုပ်များက အလွန်များပြားပေသည်။
နံရံကပ်စက္ကူများကို တပ်ဆင်သည့်အရာများနှင့်အတူ ရောင်းချခဲ့ပြီး ကြမ်းခင်းများက ကိုယ်တိုင် ပြုလုပ်ရန် ကိရိယာများ ပါဝင်ပေသည်။ ဝန်ထမ်းများက ကြမ်းခင်းများနှင့် ကူညီပေးနိုင်သော်လည်း ထပ်ပေါင်းကုန်ကျငွေ လိုအပ်ပေသည်။
မီးဖိုချောင်နှင့် ရေချိုးခန်းမှ လွဲ၍ ရှန်းထင်ရွှမ်းက ကျန်သည့်အခန်းများအတွက် နံရံကပ်စက္ကူများ ဝယ်ယူခဲ့သည်။
ရှန်းထင်ရွှမ်းက ဤပစ္စည်းများကို ဝယ်ယူခဲ့ကြောင်း အတည်ပြုပြီးနောက် သူတို့က ခြံဝင်းဆီသို့ ရှန်းထင်ရွှမ်းနောက်မှ လိုက်ခဲ့ကြသည်။
ဤခြံဝင်းကို မြင်သောအခါ သူတို့သုံးယောက်က အနည်းငယ် အံ့ဩသွားခဲ့ကြသည်။ ဝယ်သူက နံရံကပ်စက္ကူအများအပြား ဝယ်ယူခဲ့သည်မှာ အံ့ဩစရာမရှိပေ။
သူတို့သုံးယောက်က ယနေ့အလုပ်သို့ ညရောက်မှ ပြန်နိုင်လိမ့်မည်ဟု ခံစားလိုက်ရသည်။
…
သုံးယောက်သားက ရှန်းထင်ရွှမ်းနောက်မှ လိုက်ခဲ့ပြီးနောက် ခြံဝင်းက အလွန်လှပသည်ကို တွေ့သွားကြသည်။ ဟင်းသီးဟင်းရွက်များက ခြံဝင်းထဲတွင် ကြီးထွားနေကြသော်လည်း သဟဇာတဖြစ်မှုကို မနှောင့်ယှက်ခဲ့ပေ။
ဦးဆောင်သည့်လူက မေးလိုက်သည်။ “ဘယ်အခန်းကနေ စမလဲ “
ရှန်းထင်ရွှမ်း။ “ဒီနေရာက “
“မင်း အကုန်လုံးကို တပ်ဆင်မယ်ဆိုရင် အသုံးပြုတာအနည်းဆုံးအခန်းကနေ စသင့်တယ် “
ခြံဝင်း၏တောင်ဘက်အကျဆုံးအပိုင်းက ဂိုထောင်ဖြစ်သည်။ ရှန်းထင်ရွှမ်းက ၎င်းကိုလည်း အရောင်တူ ဝယ်ခဲ့ပေသည်။
ရှန်းထင်ရွှမ်းက မည်သည့်ထင်မြင်ချက်မှ မရှိပေ။
သူတို့သုံးယောက်က ဂိုထောင်ထဲရှိ ပစ္စည်းများကို အရင်ဆုံး ထုတ်လိုက်ကြသည်။ အထဲတွင် ပစ္စည်းအများကြီး မရှိပေ။ ၎င်းတို့က အံဆွဲတချို့သာ ဖြစ်ပေသည်။
အံဆွဲများက အိုဟောင်းနေပြီး သစ်သားများက အတော်လေးကောင်းမွန်ပေသည်။ အထူးသဖြင့် ၎င်းတို့ကို အတူတကွ တပ်ဆင်ထားသောအခါ အလွန်အမင်း လေးလံသွားစေသည်။
သူတို့သုံးယောက်က အံဆွဲကို မလိုက်ကြပြီး ရွေ့လိုက်ကြသည်။ အချိန်အတော်ကြာပြီးနောက် စင်တီမီတာအနည်းငယ်သာ ရွေ့နိုင်ခဲ့သည်။
…
ရှန်းထင်ရွှမ်းက သက်ပြင်းချလိုက်ပြီး တစ်ဖက်မှ အံ့ဆွဲကို မလိုက်သည်။ ထို့နောက် စိတ်မပါလက်မပါ ပြောလိုက်သည်။ “ရှင်တို့သုံးယောက် တခြားတစ်ဖက်ကနေ မလိုက် “
ရှန်းထင်ရွှမ်းက အံ့ဆွဲတစ်ဖက်စွန်းကို မလိုက်သည်အား တွေ့လိုက်ကြသောအခါ သူတို့သုံးယောက်က ထိတ်လန့်သွားခဲ့ကြသည်။ သူတို့သာ အစောပိုင်းက အံ့ဆွဲကို မသယ်ခဲ့ဘူးဆိုရင် ရှန်းထင်ရွှမ်းက ရေမြှုပ်ချပ်ကို မလိုက်သည်ဟု သူတို့က ထင်မိပေလိမ့်မည်။
သူတို့က လျှောက်ထွက်သွားသောအခါ ရှန်းထင်ရွှမ်း၏ အင်အားက သူတို့ယောက်ျားကြီးသုံးယောက် ပေါင်းစည်းထားသည့်အင်အားထက် ပိုကြီးမားပုံရကြောင်း တွေ့ရှိသွားပြီး အလွန်ထိတ်လန့်သွားခဲ့ကြသည်။
တခြားသေးငယ်သည့် အံ့ဆွဲများကို သူတို့ယောက်ျားကြီးသုံးယောက်က အတူတကွ မခဲ့ကြပြီး ရှန်းထင်ရွှမ်းက တစ်လုံးကို သူမ တစ်ယောက်တည်း မခဲ့လိုက်ကာ ခြံဝင်းအပြင်တွင် ထားလိုက်သည်။
လူသုံးယောက်။ “…” ငါ ရှက်လိုက်တာ။
……
ရှန်းထင်ရွှမ်းက ခြံဝင်းအပြင်ဘက်သို့ ရွှေ့လိုက်သည့် အံ့ဆွဲများကို ကြည့်လိုက်သည်။ ၎င်းတို့က သိပ်ကြည့်မကောင်းတော့ပေ။ ထို့ကြောင့် သူမက သူမဘာသာ အသစ်တစ်ခုပြုလုပ်ရန် စီစဉ်လိုက်သည်။
အခန်းက ရှင်းလင်းသွားပြီးနောက် သူတို့က နံရံများကို စတင်သန့်ရှင်းလိုက်ကြသည်။ ထို့နောက် နံရံကပ်စက္ကူအဟောင်းများကို ခြစ်ထုတ်လိုက်ကြသည်။ ရှန်းထင်ရွှမ်းက ဘေးမှ ကြည့်နေခဲ့သည်။ ဝန်ထမ်းသုံးယောက်က နံရံကပ်စက္ကူအဟောင်းများကို ခြစ်ထုတ်ပြီးသောအခါ စတင်တပ်ဆင်လိုက်ကြတော့သည်။ တစ်ယောက်က ကော်သုတ်လိုက်ပြီး ကျန်သည့်နှစ်ယောက်က စက္ကူများကို ဖြတ်လိုက်ကြသည်။ ထို့နောက် သူတို့သုံးယောက်က ကော်သုတ်ထားသည့် နံရံပေါ်တွင် စက္ကူများကို စတင် ကပ်လိုက်ကြသည်။
ထိုသို့လုပ်နေစဉ်အတောအတွင်းတွင် ရှန်းထင်ရွှမ်းက သူတို့လက်များ၏ လှုပ်ရှားမှုများကို သတိထားမိပေသည်။ လေခိုခြင်းမရှိစေရန် သူတို့က စက္ကူပေါ်တွင် ခြစ်ပေးရန် လိုပေသည်။
သူမက နံရံတစ်ခုပြီးသွားသည်ကို မြင်သောအခါ ရှန်းထင်ရွှမ်းက နောက်အခန်းသို့ သွားလိုက်သည်။ သူမက ခြံဝင်းထဲသို့ ပစ္စည်းများကို ရွေ့ထုတ်လိုက်ပြီး စက္ကူအဟောင်းများကို ခြစ်ထုတ်လိုက်သည်။
သူတို့သုံးယောက်က ပထမဆုံးအခန်းထဲတွင် နံရံကပ်စက္ကူများ ကပ်ပြီးသွားသောအခါ ရှန်းထင်ရွှမ်းက တခြားအခန်းကို အဆင်သင့် ဖယ်ရှားထားပြီး နံရံများကိုလည်း ခြစ်ထုတ်ထားပြီးဖြစ်ကြောင်း တွေ့ရှိသွားကြသည်။
လူသုံးယောက်။ “?” နံရံကပ်စက္ကူဟောင်းတွေကို ခြစ်ထုတ်ရခြင်းက လွယ်ကူသည့်အလုပ် မဟုတ်ပေ။ ဤမိန်းကလေးက အဘယ်ကြောင့် လွယ်ကူနေရသနည်း။
သူတို့က အနီးကပ်ကြည့်လိုက်ပြီးနောက် မိန်းကလေးက သေချာပြုလုပ်ထားကြောင်း တွေ့သွားကြသည်။ သူတို့သုံးယောက်ထဲမှ တစ်ယောက်က ကော်သုတ်ရန် စတင်လိုက်ပြီး ကျန်နှစ်ယောက်က တိုင်းတာပြီးနောက် နံရံကပ်စက္ကူကို ဖြတ်လိုက်ကြသည်။
သူတို့က ထမင်းစားခန်းကို ပြီးသွားသောအခါ ရှန်းထင်ရွှမ်းက တခြားနှစ်ခန်းကို အဆင်သင့် ပြင်ဆင်ထားသည်ကို တွေ့လိုက်ရသည်။
လူသုံးယောက်။ “???” သူမက ငါတို့အလုပ်ကို လုယူနေတာလား။
သို့သော်လည်း ဤဖောက်သည်က သူတို့နှင့်အတူ အလုပ်တစ်ခုကို လုယူချင်လျှင် သူတို့ကို မထိန်းသိမ်းထားနိုင်ဘူးဟု ထင်ရပေသည်။
…
နောက်ဆုံးတွင် ရှန်းထင်ရွှမ်းက မြန်မြန်ဆန်ဆန်နှင့် ကောင်းကောင်းမွန်မွန် လုပ်ဆောင်ခဲ့သည်ကို ကြည့်ရှုပြီး ဝန်ထမ်းတစ်ယောက်က မမေးဘဲမနေနိုင်တော့ချေ။
“ခင်ဗျား အရင်က ဒါကို လုပ်ဖူးလား “
ရှန်းထင်ရွှမ်းက ခေါင်းခါလိုက်သည်။ “ဟင့်အင်း၊ ဒါ ပထမဆုံးအကြိမ်လုပ်ဖူးတာ “
တခြားနှစ်ယောက်က မေးသည့်
သူကို သတိပေးသည့်မျက်လုံးများဖြင့် စူးစိုက်ကြည့်လိုက်ကြသည်။ ဤစကားလုံးများကို မေးမြန်းသောအခါ သူတို့က ဖောက်သည်ကို စိတ်မသက်မသာဖြစ်အောင် လုပ်မိမနေဘူးလား။
စကားပြောလိုက်သည့်သူက အနည်းငယ် ဆွံ့အသွားခဲ့သည်။ သူက ပါးစပ်ကို တကယ်ပဲ အပြစ်တင်လိုက်မိသည်။
…
