Chapter 20: နေရာအား ထိန်းသိမ်းရန် သေနတ်တပ်ဆင်ခြင်း
ပိုင်ဖန်းသည် သူ၏တိုက်ရိုက်ထုတ်လွှင့်မှုအတွက် တရုတ်ဆာဗာတွင် အများအားဖြင့်ဆော့ခဲ့သည်။ ထို့နောက် ပြည်တွင်းကစားသမားများအားလုံးမှာ ပြည်တွင်းဆာဗာတွင် ကစားခဲ့ကြပြီး သူဌေးများမှာ သူ့ကိုသာ သူတို့အား လက်ရွေးစင်ဆာဗာအဆင့်များတွင် ခေါ်သွားခွင့်ပြုလိမ့်မည်။ သို့သော် သူအားလပ်သည့်အချိန်တိုင်း သူသည်နိုင်ငံတကာဆာဗာတွင် သူ၏စွမ်းရည်ကို လေ့ကျင့်လိမ့်မည်။ သူ၏လက်ရှိနောက်အကောင့်တစ်ခု ‘Sniper002’သည် အပိုင်း၂၅၀၀တွင် အတိအကျဖြစ်နေခဲ့သည်။
နိုင်ငံတကာဆာဗာထဲမှ အပိုင်း၂၅၀၀မှာ ပြည်တွင်းဆာဗာထဲမှ အထွတ်အထိပ်ပြိုင်ပွဲနှင့်တူညီကာ ၎င်းသည် တစ်စုံတစ်ယောက်အား စောင့်ရှောက်ပေးရန် အလွန်ခက်ခဲလှသည်။
သို့သော် ၎င်းသည် စုဆောင်းရန် စီးပွားရေးနှင့် ကိရိယာများလိုသော တာဝါတွန်းသည့် ကစားပွဲနှင့် ကွာခြားသည်။ သေနတ်ဘုရင်ကဲ့သို့ အရှိန်မြန်သော ပစ်ခတ်ခြင်းဂိမ်းမှာ စွမ်းရည်နှင့် သတိရှိမှုကို ပို၍အာရုံထားသည်။ တစ်ခါတစ်ရံတွင် အသင်းဖော်များသေဆုံးသွား၍ သူတို့သည် သုံးယောက်တစ်ယောက် သို့မဟုတ် ငါးယောက်တစ်ယောက် ယှဉ်ပြိုင်ရလျှင်ပင် သူတို့သည်ကျည်ဆံများအား ရှောင်ကာရွေ့နိုင်သရွေ့ အခြေအနေကိုပြောင်းပြန်လှန်နိုင်သည်။
လူနှစ်ယောက်မှာ အဆင်သင့်ခလုတ်ကို နှိပ်လိုက်ကာ သူ၏အသင်းသားများနှင့် အမြန်ပြိုင်ပွဲစခဲ့သည်။
ပိုင်ဖန်းသည် သေနတ်ပစ်သမားနေရာကို အမြန်ရွေးချယ်နေစဉ် ကျန်းရှောင်ယွီသည် ကင်းထောက်နေရာကို ရွေးချယ်ခဲ့သည်။ အခြားအသင်းသားသုံးယောက်များမှာ ဆေးအကူ၊ အားဖြည့်သူနှင့် ချေမှုန်းသူနေရာများ မရွေးချယ်ခင်တွင် ခဏတာတွန့်ဆုတ်နေခဲ့သည်။
အပိုင်း ၂၅၀၀အတွက် ကစားပြိုင်ပွဲမှာ စနစ်မှကျပန်းထုတ်လွှတ်ကာ ခက်ခဲမှုအဆင့်လေး မြေပုံများအားလုံးမှာ ပြခန်းထဲသို့ပေါင်းထည့်ထားခဲ့သည်။ ဤအပိုင်းသို့ရောက်နိုင်သည့် ကစားသမားများမှာ ပို၍လူသိများသောမြေပုံများနှင့် ရင်းနှီးခဲ့ကြသော်လည်း အချို့မြေပုံများမှာ အွန်လိုင်းဂိမ်းကစားသမားများအတွက် အိပ်မက်ဆိုးတစ်ခုဖြစ်နေခဲ့သည်။
ဥပမာအားဖြင့် သူ၏အချီတွင် ကျပန်းမြေပုံမှာ Ghost Castle ဖြစ်သည်။
တိုက်ရိုက်ထုတ်လွှင့်မှုအခန်းထဲမှ ပရိသတ်များမှာ အနောက်တိုင်းစတိုင် ကြောက်စရာ ရဲတိုက်ပုံစံ ပေါ်လာသောအခါ ထရယ်ခဲ့ကြသည်။
[Ghost Castleပါလား။ ငါဒီပုံမြင်တာနဲ့ကြောက်မိလိမ့်မယ်။]
[ဟုတ်တယ်။ အဲ့ဒါက အွန်လိုင်းမဲပေးတဲ့အထဲ အမုန်းအများဆုံး မြေပုံတွေထဲကတစ်ခုပဲ။ ဒီဂိမ်းထဲက Fredရဲ့ကံက နည်းနည်းဆိုးနေပြီလား။]
[ဒီမြေပုံရဲ့ ပတ်ဝန်းကျင်အသံ သက်ရောက်မှုတွေက အရမ်းကြောက်စရာကောင်းပြီး တစ်ခါတစ်ခါ ထွက်လာတဲ့ ကျီးကန်းတွေက သရဲကားထဲက မြင်ကွင်းနဲ့ဆင်တယ်။]
[Fredက ဒီဂိမ်းမှာ မှောက်သွားမလား။]
[သူဌေးရှေ့ မှောက်သွားရင် ရှက်စရာပဲ… သူဌေးက: ပိုက်ဆံပြန်အမ်းစမ်း လို့ပြောလိမ့်မယ်။]
ဂိမ်းအချိန်သတ်မှတ်မှုမှာ စတင်ခဲ့သည်။ ကျန်းရှောင်ယွီသည် တိုက်ရိုက်ထုတ်လွှင့်မှုအခန်းအား ပိတ်လိုက်ကာ လက်နက်များအမြန်လဲလိုက်သည်။ သူသည်ဤကစားပွဲ၌ ကင်းထောက်နေရာ ကစားနေသောကြောင့် သူသည် ပစ္စတို Sand Eagle-Blue Dragonသေနတ်၊ ဓားမြှောင် Scarlet Bladeနှင့် မီးခိုးဗုံးများကို ရွေးချယ်ခဲ့သည်။ သူ၏တပ်ဆင်မှုမှာ ပေါ့ပါးကာ ရွေ့လျားမှုအတွက် သက်တောင့်သက်သာဖြစ်သည်။
ပိုင်ဖန်းသည်လည်း သူ၏လက်နက်ကို အမြန်လဲလိုက်သည်။ သူ၏လက်နက်မှာ လေးလံသော စနိုက်ပါသေနတ် Balot-Jungle Hunter ဖြစ်သည်။
ဤရင်းနှီးသည့်လက်နက်မှာ ကျန်းရှောင်ယွီအား အတိတ်သို့ ပြန်အမှတ်ရစေခဲ့သည်။
လွန်ခဲ့သောငါးနှစ်က ပိုင်ဖန်းသည် သူ့အားဆရာအဖြစ် တရားတင်ကိုးကွယ်ပြီးသည့်နောက် သိပ်မကြာခဲ့ပေ။ ဆရာနှင့်တပည့်မှာ ဂိမ်းထဲမှ အနက်ရောင်အခန်းငယ်လေးတွင် တိုက်ခိုက်ခဲ့ကြသည်။ ကျန်းရှောင်ယွီသည် သူ၏တပည့် Balotကိုထုတ်လိုက်သည်ကို မြင်ခဲ့ကာ မေးလိုက်သည်။ “Balotရဲ့ သေနတ်ကိုယ်ထည်က အရမ်းလေးပြီး မောင်းကအားကောင်းတယ်။ကျည်ဆံပစ်ပြီးနောက် တစ်စက္ကန့်နှစ်စက္ကန့်ကြာ ဖန်သားပြင်ကအရမ်းလှုပ်ခါသွားလိမ့်မယ်။ ဒါကစတင်သူတွေအတွက် မသင့်တော်ဘူး။ မင်းဘာလို့ဒီသေနတ်ကိုရွေးချင်ရတာလဲ”
သူ၏တပည့်လေးမှာ အလွန်လေးနက်စွာ ဖြေကြားခဲ့သည်။ “ဒီသေနတ်ရဲ့ အသစ်ပုံစံက အရမ်းမိုက်ပြီး သူ့နာမည် Jungle Hunterဆိုတာကို ကြိုက်လို့ပါ”
“ တောနက်ထဲမှာပုန်းနေတဲ့ မုဆိုးလိုမျိုး သေနတ်ပစ်သမားက အသင့်တော်ဆုံးအချိန်မှာ ပစ်မှတ်ကို ပစ်ဖို့နဲ့သတ်ဖို့လိုတယ် ”
“ဆရာ၊ ကျွန်တော်လည်း မုဆိုးလိုမျိုး သေနတ်ပစ်သမားဖြစ်ချင်တယ်”
ကျန်းရှောင်ယွီသည် အံ့ဩသွားခဲ့သည်။ မထင်မှတ်ဘဲနှင့် အသက်ငယ်သေးသော်လည်း ပိုင်ဖန်းတွင် အတွေးများစွာရှိနေခဲ့သည်။ သူသည် ထိုအချိန်၌ နာမည်အကြီးဆုံး ဝင်ခွင့်လက်နက်များဖြစ်သည့် the M400 နှင့် DSR တို့ကိုရွေးချယ်ရန် ကျော်ကြားမှုနောက်မလိုက်ခဲ့ပေ။ ထိုအစားသူသည် လေးလံသည့်စနိုက်ပါရိုင်ဖယ်သေနတ် the Balotကို ရွေးချယ်ခဲ့သည်။
လေးလံသည့် သေနတ်ပစ်ခြင်းမှာ အလွန်ခက်ခဲသော်လည်း စစ်ဆင်ရေးစွမ်းရည်များအား အဆင့်မြင့်တင်ခဲ့ပါက—
The Balot သည် ဂိမ်းတစ်ခုလုံးတွင် အပြင်းထန်ဆုံးတိုက်ခိုက်မှုစွမ်းအားနှင့် အကွာအဝေးမြင့်သည့် စနိုက်ပါသေနတ်ဖြစ်နေလိမ့်မည်။
ခေါင်းသို့ပစ်ချက်အား ဖော်ပြစရာပင်မလိုပေ။ရန်သူအား ပခုံး၊ခါးသို့မဟုတ်အခြားနေရာများကို ပစ်လိုက်ရုံနှင့် သူတိ့အား သတ်နိုင် သို့မဟုတ် ချို့ယွင်းသွားနိုင်သည်။
ကျန်းရှောင်ယွီသည် သူ၏ကိုယ်ပိုင်ကစားကွက်နှင့် အတွေးအခေါ်အား သူ၏တပည့်ဆီသို့ ဖော်ပြလိမ့်မည်မဟုတ်ပေ။ သူသည်ကိုယ်ပွားမလိုပေ။ သူသည်တပည့်တစ်ယောက်အား လွတ်လပ်သည့် သတိရှိမှုနှင့်ပုံစံတို့နှင့် လေ့ကျင့်ပေးချင်ခဲ့သည်။ ထို့ကြောင့် ပိုင်ဖန်းသည် သူ့သခင်၏ အတုခိုးသူမဟုတ်ပေ။ သူ့တွင် ကိုယ်ပိုင်ကစားကွက်နှင့် လက္ခဏာများရှိနေခဲ့သည်။
ပိုင်ဖန်း၏ အကွာအဝေးရှည် ဖိနှိပ်မှုစွမ်းရည်မှာ ကျန်းရှောင်ယွီ၏ ပေါ့ပါးကာ ပြောင်းလဲနိုင်သော ရွေ့လျားမှုတိုက်ကွက်ထက် ပို၍အားပြင်းနေခဲ့သည်။
The Balot-Jungle Hunterတွင် လွှမ်းမိုးနိုင်ပြီး ထက်မြက်သော အသွင်အပြင်ရှိနေခဲ့သည်။ နက်မှောင်သည့် သေနတ်ကိုယ်ထည်သည် အစိမ်းရင့်ရောင် ရုပ်ဖျက်ပစ္စည်းနှင့် သားကောင်ပုံစံတို့နှင့် ဆေးချယ်ထားပြီး တောအုပ်ထဲ မုဆိုးတစ်ယောက် ပုန်းနေသည်နှင့်ဆင်တူခဲ့သည်။ ဤလေးလံသော စနိုက်ပါရိုင်ဖယ်သေနတ်သည် ပိုင်ဖန်း၏လက်ထဲတွင် သူ၏စွမ်းအားကို တဖြည်းဖြည်း ထုတ်လွှတ်ကာ သူ၏နာမည်ကြီးသည့် သေနတ်များထဲမှ တစ်ခုဖြစ်လာခဲ့သည်။
သူတို့သည် နှစ်ပေါင်းများစွာကြာ အချင်းချင်း မတွေ့ခဲ့ကြသော်လည်း ပိုင်ဖန်းသည် ဤသေနတ်အား သူ၏အဓိကလက်နက်အဖြစ် သုံးနေဆဲဖြစ်သည်။
သူရွေးချယ်ခဲ့သည့် ဒုတိယလက်နက်မှာ သူ၏သခင်မှာ သူ့အားမည်ကဲ့သို့အသုံးပြုရမည်ကို ကိုယ်တိုင်သင်ပေးခဲ့သော MSG ပေါ့ပါးစနိုက်ပါ ရိုင်ဖယ်သေနတ်ဖြစ်သည်။ ၎င်းသည်လည်း Aurora ပုံစံအသစ်ဖြစ်နေခဲ့သည်။
ပိုင်ဖန်းသည် သူ၏တတိယမြောက်လက်နက်အတွက် မီးခိုးဗုံးများကို အသုံးပြုခဲ့သည်။
သူ၏အသင်းသားများမှာလည်း လက်နက်ပြောင်းလဲခဲ့ကာ အဆင်သင့်ခလုတ်ကို နှိပ်ခဲ့ကြသည်။
စက္ကန့်သုံးဆယ် ရေတွက်ခဲ့ကာ မြေပုံပေါ်လာခဲ့သည်။
နိုင်ငံတကာဆာဗာထဲတွင် အသံမှတစ်ဆင့် ဆက်သွယ်ရန် ခက်ခဲသောကြောင့် ဂိမ်းအတွင်း အချက်ပြမှုများကိုသာ များသောအားဖြင့် အသုံးပြုသည်။ နာရီလက်တံသုံးနာရီတွင်ရှိနေသော အားဖြည့်သူမှာ တိုက်ခိုက်မှုအချက်ပြချက်ကိုပေးလိုက်ကာ ညာဘက်အခြမ်းသို့ သွားနေသည်မှာ ထင်ရှားနေခဲ့သည်။ ချေမှုန်းသူသည် နာရီလက်တံကိုးနာရီဘက်သို့သွားပြီး ဘယ်ဘက်သို့အပြေးသွားခဲ့သည်။ ဆေးအကူမှာ ချေမှုန်းသူနောက်လိုက်ခဲ့သည်။
ကျန်းရှောင်ယွီသည် သူ၏ပစ္စတိုသေနတ်အားကိုင်ကာ အဆောက်အဦးအရှုပ်အထွေးထဲ့သို့ အမြန်ပုန်းဝင်ပြီး ပျောက်ကွယ်သွားသည်။
ပိုင်ဖန်းသည် သူ၏အသင်းသားများ တည်နေရာကို စိုက်ကြည့်နေခဲ့သည်။ သူသည် မီးခိုးဗုံးများကိုပြောင်းလိုက်ကာ ရဲတိုက်ဟောင်းထဲသို့ Zပုံသဏ္ဍာန် ရွေ့လျားခဲ့သည်။
တစ္ဆေရဲတိုက်တွင် ပြိုကျပျက်စီးနေသော ရုပ်တုအမြောက်အများရှိနေခဲ့သည်။ ဤရုပ်တုများတွင် မတူညီသောပုံသဏ္ဍာန်များရှိကာ ရှေးဟောင်းအနောက်ပိုင်းတိုင်းပြည်တွင် ကျင်းပခဲ့သော ထူးဆန်းသည့်ရိုးရာပွဲနှင့် တူနေခဲ့သည်။ ရဲတိုက်နံရံများတွင် သွေးစွန်းနေသော လက်ရာများစွာ ရှိနေခဲ့သည်။ ဤသည်မှာ ဖျော့တော့သောမီးရောင်နှင့် ပျက်စီးနေသော ပတ်ဝန်းကျင်တို့နှင့် ပူးပေါင်းပြီး ၎င်းသည်အလွန်ကြောက်စရာကောင်းသည့် အခြေအနေကို ဖန်တီးပေးခဲ့သည်။
အချိန်သိပ်မကြာသောအခါ ရဲတိုက်ထဲမှ ကျီးကန်းများအား ခြောက်လှန့်စေခဲ့သော ညာဘက်အခြမ်းမှ စက်သေနတ်ရုတ်တရက် ထွက်ပေါ်လာခဲ့သည်။
ကျီးကန်းများ ပျံသန်းနေကြသည်။ သူတို့၏ငိုသံများနှင့် စက်သေနတ်၏ ကြောက်စရာအသံမှာ တိတ်ဆိတ်နေသည့် ရဲတိုက်အား ပဲ့တင်ထပ်သွားပြီး လူများအား ကြောက်လန့်စေခဲ့သည်။
သူတို့၏အားဖြည့်သူနှင့် ရန်သူအသင်းတို့၏အားဖြည့်သူတို့မှာ ကျဉ်းမြောင်းသောနေရာ၌ဆုံကြကာ နှစ်ဖက်လုံးမှာ တစ်ချိန်တည်းပစ်ခတ်ခဲ့ကြသည်။ ကျည်ဆံများသတင်းမှာ ဖန်သားပြင်ပေါ် ဆက်တိုက်တက်လာခဲ့သည်။
ကစားသမားနှစ်ယောက်မှာ သေနတ်ပစ်ခတ်မှုပြီးဆုံးသွားခဲ့ကာ မထိသေးသောကျည်ဆန်များ ထိမှန်ခြင်းမှရှောင်ရှားရန် ချက်ချင်းပုန်းဝင်သွားခဲ့သည်။
သို့သော်—
[’Sniper002’ သည် Balot-Jungle Hunter အား ‘SorryA’ကို ခေါင်းသို့ပစ်သတ်ရန် အသုံးပြုခဲ့သည်။]
အဝေးမှပိုင်ဖန်းသည် တိကျသည့်အချိန်၌ ပစ်ခတ်ခဲ့သည်။ သူသည် ချက်ချင်းထွက်ပြေးချင်နေခဲ့သော ဆန့်ကျင်ဘက်အသင်းမှ အားဖြည့်သူအား သတ်ပစ်ခဲ့သည်။
လေးလံသော စနိုက်ပါရိုင်ဖယ်သေနတ်၏ ကောင်းကျိုးများမှာ ၎င်း၏ရှည်လျားသောအကွာအဝေး၊ သန်မာသောစွမ်းအားနှင့် ကြီးမားသောပျက်စီးမှုတို့ဖြစ်သည်။ ဆိုးကျိုးများမှာ ပြန်လည်ဖြည့်တင်းသည့် အမြန်နှုန်းမှာ နှေးကွေးကာ သေနတ်လှုပ်ခါမှုမှာ ထင်ရှားသည်။ ပစ်ခတ်ရန် အချိန်မှန်ခြင်းနှင့်စည်းချက်တို့မှာ ကောင်းမွန်စွာ ဆုပ်ကိုင်နိုင်ရမည် သို့မဟုတ် လေသို့ပစ်ခတ်ရန်လွယ်ကူပြီး သူတို့တည်နေရာကို ဖော်နိုင်သည်။
ထို့ကြောင့် လေးလံသည့်စနိုက်ပါရိုင်ဖယ်သေနနတ်အား ကစားရာတွင် ကျည်ဆုံတိုင်းမှာ အလွန်အရေးကြီးကာ ၎င်းအားကျပန်းမပစ်ခတ်နိုင်ပေ။
ပိုင်ဖန်းသည် အလွန်တည်ငြိမ်စွာ ကစားခဲ့သည်။
သူသည် အစက တပ်မှူးများအတွက် အမြင့်တစ်နေရာကို ယူလိုက်သည်။ သူသည် ရုပ်တုပေါ်တွယ်တက်ကာ ပုန်းခိုပြီး အခွင့်အရေးကို စောင့်နေခဲ့သည်။ သေနတ်သံသည် ညာဘက်မှကြားရသောအချိန်တွင် သူသည် မျက်လုံးမှေးလိုက်ကာ မှန်ပြောင်းကိုဖွင့်ပြီး ပြောင်းဝကိုအမြန်လှည့်၍ သူ၏အရှေ့တွင်ရှိသော တိုက်ပွဲတည်နေရာကို ချိန်ရွယ်ထားခဲ့သည်။ သူသည် သားကောင်ပေါ်လာရန် စောင့်နေခဲ့သော မုဆိုးတစ်ယောက်နှင့်တူသည်။
သေချာသည်မှာ သူ၏အသင်းသားနှင့် တစ်ဖက်ကစားသမားမှာ အချိန်အတော်ကြာ တစ်ဖက်လူအား တစ်ချက်တည်းသတ်ပစ်ရန် ကျရှုံးခဲ့သည်။
ပိုင်ဖန်းသည် ဘယ်ဘက်သို့ချိန်ရန် သူ၏မှန်ပြောင်းကို ချက်ချင်းမလှည့်ခင် ခေါင်းတစ်လုံးယူရန် ပြတ်ပြတ်သားသား ပစ်လိုက်သည်။
သူထင်ထားခဲ့သည့်အတိုင်းပင် ဖြစ်နေခဲ့သည်။ သူ့အသင်း၏ချေမှုန်းသူနှင့် အခြားအသင်း၏ချေမှုန်းသူတို့မှာ ဘယ်ဘက်အခြမ်းတွင် တွေ့ဆုံခဲ့ကြသည်။
ချေမှုန်းရိုင်ဖယ်သေနတ်၏ ကြည်လင်သောအသံထွက်ပေါ်နေခဲ့သည်။
ဤသည်မှာ Balotဆီမှ ပေါက်ကွဲသံတိုးတိုးပြီးနောက် ထွက်ပေါ်လာခဲ့သည်။
[’Sniper002’ သည် Balot-Jungle Hunter ကို ‘Adrian’ အား ခေါင်းသို့ပစ်ခတ်ကာ သတ်ရန်အသုံးပြုခဲ့သည်။]
တိကျသည့် ကျည်ဆံမှာ အကွာအဝေးရှည်ကို ဖြတ်ပြီးနောက် ရန်သူ၏ဦးနှောက်ထဲ ဖြတ်ဝင်သွားခဲ့သည်။ အနီးအနားမှ ကျီးကန်းများမှာ ကြောက်ရွံ့သွားကာ ထွက်ပြေးသွားခဲ့ကြသည်။
ဤသည်မှာ နောက်ထပ်ခေါင်းတစ်လုံးဖြစ်သည်။
တိုက်ရိုက်ထုတ်လွှင့်မှု အခန်းထဲမှ ပရိသတ်များမှာ ဖန်သားပြင်ကို စိတ်လှုပ်ရှားစွာနှင့် စာများပြည့်စေခဲ့သည်။
[ဘယ်နဲ့ညာ လျင်မြန်တဲ့အောင်မြင်မှု၊ နှစ်ကြိမ်ဆက်တိုက်သတ်ဖြတ်ခြင်း၊ အရမ်းမိုက်တာပဲ။]
[Fredက ကျွမ်းကျင်တဲ့ တိုက်ရိုက်ထုတ်လွှင့်သူ ဖြစ်ရတာတန်တယ်။ ငါ Fredကို လွန်ကဲတဲ့ချီးကျူးမှုတွေ ပေးချင်တယ်။]
[Balotလိုမျိုး ခက်ခဲတဲ့သေနတ်က Fred ရဲ့လက်တွေထဲမှာ ညစ်ပြီးကိုင်နေသလိုပဲ။]
[တစ်ချက်ပစ်၊ ကလေးတစ်ယောက်~]
[ဒီဂိမ်းက တည်ငြိမ်တယ်လို့ ထင်ရတယ်။ အစ်ကိုဖန်းက အရမ်းတော်တာပဲ။]
ကျန်းရှောင်ယွီသည် ဤဂိမ်းထဲတွင် လှုပ်ရှားမှုမလုပ်ခဲ့ပေ။ သူသည် လုံခြုံသည့်နေရာတွင် ပုန်းခိုကာ သူ၏တပည့်ပိုင်ဖန်း၏ စစ်ဆင်ရေးကို ကြည့်နေခဲ့သည်။
Ghost Castle ၏မြေပုံတွင် ကျီးကန်းများ၏ ပတ်ဝန်းကျင်အသံ သက်ရောက်မှုများရှိနေစဉ် နောက်ကွယ်မှ နေရာတိုင်းတွင် သွေးစွန်းနေသည့် လက်ရာများရှိနေခဲ့သည်။ တကယ်တမ်းတွင် ကျွမ်းကျင်ကစားသမားများအတွက် ဤမြေပုံမှာ အထူးသဖြင့်စောင့်ရှောက်သူအသင်းများအတွက် ကစားရန်မခက်ခဲပေ။ သူတို့သည် အဓိကသေနတ်ပစ်မှတ်များကိုသာ ကိုင်ထားရန်လိုကာ သူတို့သည် ဘယ်နှင့်ညာသို့ အောင်မြင်စွာ ပစ်ခတ်ခြင်းဖြင့် ပုန်းခိုသူများကို အမြန်သတ်နိုင်သည်။
ပိုင်ဖန်းသည် အစကတည်းက အဓိကသေနတ်နေရာတွင် သူ၏လက်နက်အား တပ်ဆင်ပြီးသည်မှာ ထင်ရှားသည်။ သူ၏နေရာတွင် အကွာအဝေးမှာ နှစ်ဖက်အသင်းလုံး ဖြတ်သန်းသွားရမည်ဖြစ်သည့် ‘လူများသည့်အမှတ်’ အားဖုံးကွယ်ရန် လုံလောက်နေခဲ့သည်။ သူသည် ကောင်းမွန်သော ခန့်မှန်းမှုပြုလုပ်ရန်သာလိုကာ တစ်ဖက်အသင်းမှ ပုန်းသူများ၏ဦးခေါင်းများကို ယူရန် လျင်မြန်စွာ တုံ့ပြန်ရမည်။
တစ်ယောက်လာလျှင် တစ်ယောက်ကိုသတ်ရမည်။ ပိုင်ဖန်းသည် နှစ်ယောက်ဆက်တိုက်သတ်ခြင်းဖြင့် စတင်ခဲ့သည်။
ရန်သူအသင်းမှ ကစားသမားများမှ ကြောက်ရွံ့သွားကာ လွန်ကဲစွာ စတင်ရွေ့လျားခဲ့ကြသည်။ သူတို့သည် ပတ်သွားချင်ကာ သေနတ်ပစ်သမားကို သတ်ချင်ခဲ့ကြသည်။
တစ်ခဏတာ မီးခိုးမှာ မြေပုံပေါ်မှ နေရာတိုင်း ပျံ့နှံ့သွားခဲ့သည်။ အခြားအသင်းကင်းထောက်မှာ မီးခိုးဗုံးသည် လူများ၏အမြင်ကို ကာကွယ်ပေးခြင်းဟူသည့် ကောင်းကျိုးကိုယူရင်း တစ်ဖက်မှလာနေသည်မှာ ထင်ရှားနေခဲ့သည်။ ပိုင်ဖန်းသည် ဒီတိုင်းရပ်မနေပေ။ သူသည်ချက်ချင်း ရုပ်တုပေါ်မှ ခုန်ဆင်းပြီး သူ၏လက်ထဲမှလက်နက်ကို မီးခိုးဗုံးအဖြစ် ပြောင်းလိုက်သည်။ ထို့နောက်သူသည် ဘေးဘက်သို့ အမြန်ရွှေ့သွားသည်။
မြေပုံအသေးပေါ်တွင် ပိုင်ဖန်းအားကိုယ်စားပြုနေသော အပြာရောင်အစက်မှာ သူ့အားပူးပေါင်းရန် ပြေးလာသည်ကို ကျန်းရှောင်ယွီမြင်ခဲ့သည်။
အယ်လ်ဖာ၏ ရွှင်ပျသောအသံအား သူ၏နားထဲတွင်ကြားခဲ့သည် “သူဌေး၊ ကျွန်တော်ခင်ဗျားကို ကူညီမယ်”
ကျန်းရှောင်ယွီ: “……”
မှတ်ချက်နေရာမှ ပရိသတ်များသည် သူ့အား လှောင်ပြောင်ခဲ့သည်။
[ငါတို့ ဘောစိသူဌေးကို ကာကွယ်စမ်း။]
[သူဌေးက အစကတည်းကကိုမရွေ့သေးဘူး။ သူ့ကိုအပိုင်း၂၅၀၀ထိ အခေါ်ခံလာခဲ့ရတာလား။]
[သူဌေးရဲ့နေရာက နည်းနည်းအန္တရာယ်များပေမယ့် ကိစ္စမရှိပါဘူး။ Fred ကခင်ဗျားလက်ဆောင်ကို လက်ခံပြီး သေချာပေါက် ကာကွယ်ပေးမှာပါ။]
[ငါတို့Fredရဲ့ အရောင်းအပြီးဝန်ဆောင်မှုက အကောင်းဆုံးပဲ။ ခင်ဗျားမကျေနပ်ရင်တော့ ဝန်ဆောင်မှုကိုပြန်ပေး။]
ပိုင်ဖန်းမှာ နောက်နေခြင်းသာဖြစ်သည်။
တကယ်တမ်းတွင် သူသည်သူဌေးဆီသွားရခြင်းမှာ ရန်သူအသင်းမှ ကင်းထောက်မှာ ဤဘက်လမ်းကြားကို လာလိမ့်မည်ဟု သူခန့်မှန်းမိသောကြောင့်ဖြစ်သည်။
သူ၏အသင်းဖော်ကို ကာကွယ်သည်မှာ အချက်တစ်ချက်ဖြစ်သည်။ အဓိကအချက်မှာ စက္ကန့်ပိုင်းအတွင်း တစ်ဖက်အသင်း၏ကင်းထောက်ကို သတ်ရန်ဖြစ်သည်။
ပိုင်ဖန်းသည် ရပ်နေရန် အန္တရာယ်ရှိသည့်နေရာကို ရှာတွေ့ခဲ့ကာ သူဌေးမှ အကွာအဝေးတစ်ခုထားပြီး သူ၏သေနတ်အား ကြိုတင်တပ်ဆင်ခဲ့သည်။ ဤနည်းဖြင့် သူဌေးသည် သူ၏အကွာအဝေးအတွင်း အလွန်လုံခြုံနေလိမ့်မည်။ ဆန့်ကျင်ဘက်ကင်းထောက်မှ ပုန်းခိုတိုက်ခိုက်ရန် ရွေ့လာလျှင်ပင် သူသည်တစ်ချက်တည်းနှင့် ရန်သူအား ပစ်နိုင်သည်။
သေချာသည်မှာ ကျန်းရှောင်ယွီသည် စက္ကန့်အနည်းငယ်ကြာပြီးနောက် ခြေသံများကိုကြားခဲ့သည်။
သူသည် တစ်ဖက်လူအား ရှင်းပစ်နိုင်သော်လည်း မလုပ်ခဲ့ပေ။ သူ၏တပည့်ဘာလုပ်လိမ့်မည်ကို ကြည့်ချင်နေခဲ့သည်။
တစ်ခဏတွင် ကင်းထောက်မှာ သူ၏လက်ထဲမှ သေနတ်ဖြင့် ရုပ်တုအနောက်မှ ရွေ့လာခဲ့သည်။ နောက်ဆုံးတွင် သူသည် ‘ထောင့်တစ်နေရာမှအချစ်’ ကိုတွေ့ကာ ဤနေရာတွင် ဝပ်နေသော ကျန်းရှောင်ယွီနှင့် ထိပ်တိုက်ဆုံခဲ့သည်။ ကစားသမားမပစ်နိုင်ခင် သူ၏နားထဲတွင် ‘ဒိုင်း’ဟူသောအသံကြားခဲ့သည်။
[’Sniper002’ သည် Balot-Jungle Hunterအား ‘floor’ကို ခေါင်းကိုပစ်သတ်ရန် အသုံးပြုခဲ့သည်။]
ပိုင်ဖန်း၏ ပစ်ခတ်နှုန်းမှာ သူ၏ရန်သူများထပ် သိသိသာသာ ပိုမြန်နေခဲ့သည်။
ကျန်းရှောင်ယွီသည် သွေးအိုင်ထဲလဲနေသော ကင်းထောက်ကိုကြည့်ကာ စိတ်ထဲ၌တွေးနေခဲ့သည်။ ‘ကောင်းပြီ။ တုံ့ပြန်မှုကတော့ အောင်ပြီး စွမ်းရည်ကလည်း တိကျတယ်။’
တစ်ဖက်အသင်းမှ လူသုံးယောကသေခဲ့ကာ သေနတ်ပစ်သမားနှင့် ဆေးအကူသာကျန်ခဲ့သည်။
ပိုင်ဖန်းသည် မြေပုံထဲမှ အဓိကအမှတ်များကို ကပ်ထားကာ သူတို့၏တည်နေရာကို အမြန်ရှာတွေ့ခဲ့သည်။ သူသည် ကျည်ဆံနှစ်တောင့်ကို ဆက်တိုက်ပစ်ပြီး သူတို့အား သပ်သပ်ရပ်ရပ် ရှင်းပစ်လိုက်သည်။
[’Sniper002’ သည် Balot-Jungle Hunter အား ‘bluesky’ ကို ခေါင်းသို့ပစ်သတ်ရန် အသုံးပြုခဲ့သည်။]
[’Sniper002’ သည် Balot-Jungle Hunterအား ‘bluesea’ ကိုခေါင်းသို့ပစ်သတ်ရန် အသုံးပြုခဲ့သည်။]
—အနိုင်ရခြင်း
-ပုန်းသူများ ဖျက်ဆီးခံခဲ့ရသည်။ စောင့်ရှောင်သူများ အနိုင်ရပြီ။
အချီတစ်ချီမှာ လျင်မြန်စွာ အဆုံးသတ်သွားခဲ့သည်။
ပိုင်ဖန်းသည် ကျန်းရှောင်ယွီအတိတ်က သူ့အားသင်ပေးခဲ့သည့် ‘နေရာအား ထိန်းသိမ်းရန် သေနတ်တပ်ဆင်ခြင်း’ဟူသည့် ကစားကွက်ကို အသုံးပြုခဲ့သည်။ အဓိကသေနတ်ပစ်မှတ်များကို စောင့်ရှောက်ကာ သေနတ်အား ကြိုတင်တပ်ဆင်ပါ။ အခြားတစ်ဖက်မှာ တစ်ယောက်ပြီးတစ်ယောက်ပေါ်လာမည်ကို စောင့်ကာ တစ်ယောက်ချင်းစီသတ်ပါ။ တိကျသည့်မြေပုံများပေါ်တွင် ဤကစားကွက်မှာ လွန်စွာထိရောက်မှုရှိသည်။
သေနတ်ပစ်သမား၏ ရှည်လျားသော အကွာအဝေးကြောင့် တစ်ဖက်ကစားသမားမှာ သေနတ်ပစ်သမားမှ သတ်ခြင်းမခံရခင် အနားမကပ်နိုင်ခဲ့ပေ။
ဒုတိယအချီတွင် တစ်ဖက်အသင်းမှာ ပိုင်ဖန်းသည် အားကောင်းသည့်ကစားသမားဖြစ်ကာ လူလေးယောက်နှင့် ဖြတ်ကျော်ရန် စတင်ခဲ့သည်။ သူတို့သည် သေနတ်ပစ်သမားကို ကြိုးစားသတ်ရန် လေးယောက်တစ်ယောက်နည်းပညာကို သုံးခဲ့သည်။
သို့သော် ပိုင်ဖန်းမှာ သူ၏ဗျူဟာကို ပြောင်ူခဲ့သည်။
သူသည် ပေါ့ပါးသည့်စနိုက်ပါ ရိုင်ဖယ်ကို MSG-Auroraအဖြစ် ပြောင်းလိုက်ကာ လျင်မြန်သည့် ရွေ့လျားတိုက်ပွဲကို စတင်ခဲ့သည်။ ယ
တစ်ချက်ပစ်ကာ တည်နေရာပြောင်းသည်။
လူသတ်ပြီးနောက် ချက်ချင်းထွက်ပြေးသည်။
ဤသည်မှာ ပုံမှန်စွန်ပျံသန်းသည့်ပုံစံဖြစ်သည်။ ရန်သူ၏အာရုံကို ဖမ်းစားရန် သေနတ်၏အသံကိုသုံးကာ ရန်သူအားဆွဲထုတ်ပြီး မြေပုံပေါ်မှ ရုပ်တုအား အကာအကွယ်အနေဖြင့်သုံး၍ အမြန်ရွေ့လျားမည်။ တစ်ဖက်အသင်းမှ နမော်နမဲ့ကစားသမားများအား သတ်ပစ်ရန် အခွင့်အရေးစောင့်ရင်းပုန်းနေမည်။
သူသည် ရဲတိုက်ထဲပုန်းနေသော မုဆိုးနှင့်တူကာ မည်သူမျှ သူ၏တည်နေရာကို မရှာနိုင်ခဲ့ပေ။
သို့သော် သူ၏သေနတ်မှာ တည်နေရာအားလုံးမှ သေစေနိုင်သောကျည်ဆံများကို ပစ်နိုင်ကာ ခေါင်းသို့ပစ်ချက်မှာ သူ၏ရန်သူအသက်အား အဆုံးသတ်ပေးခဲ့သည်။
[’Sniper002’ သည် Balot-Jungle Hunter အား ‘bluesky’ ကို ခေါင်းသို့ပစ်သတ်ရန် အသုံးပြုခဲ့သည်။]
[’Sniper002’ သည် Balot-Jungle Hunterအား ‘floor’ ကို ခေါင်းသို့ပစ်သတ်ရန် အသုံးပြုခဲ့သည်။]
…..
ဆက်တိုက် ငါးယောက်သတ်ဖြတ်မှုစာများမှာ ဖန်သားပြင်ကိုပြည့်သွားကာ သွေးနီရောင်ဦးခေါင်းခွံသည် ဖန်သားပြင်၏အလယ်၌ ဆက်တိုက်ပေါ်နေခဲ့သည်။
ဤသေနတ်ပစ်သမားသည် သူတို့တုံ့ပြန်ချိန်မရခင် တစ်ဖက်အသင်းမှ လူတိုင်းကို သတ်ပစ်ခဲ့သည်။
လျင်မြန်သော ပျောက်ကျားတိုက်ခိုက်မှုနှင့် တစ်ကွင်းလုံးရှင်းပစ်ရန် ငါးယောက်သတ်ဖြတ်မှု။ ၎င်းမှာ သပ်ရပ်သန့်ရှင်းနေခဲ့သည်။
ဤဖျက်လတ်သည် ရွေ့လျားတိုက်ခိုက်မှုသည် အတိတ်မှ နတ်ဘုရား Wing ၏ပုံစံဖြစ်နေခဲ့သည်။
တစ်ဖက်အသင်းမှ ကစားသမားများသည် သူ့အားမတိုက်နိုင်ဘဲ လက်လျှော့ခြင်းခလုတ်ကို နှိပ်ခဲ့ကြသည်။
မှတ်ချက်နေရာမှ ပရိသတ်များမှာ ဖန်သားပြင်အား လွန်ကဲသည့်ချီးကျူးမှုများနှင့် ပြည့်စေကာ ဖန်သားပြင်တစ်ခုလုံး အရမ်းမိုက်တယ် ဟူသောစာများ ပြည့်လာသည်။
ပိုင်ဖန်းသည် တိုက်ပွဲပြီးဆုံးသည့် မျက်နှာပြင်ပေါ် တန်ဖိုးအရှိဆုံးပုဂ္ဂိုလ်ဟူသည့် ခေါင်းစဉ်ကိုမြင်သောအခါ ပြုံး၍မေးလိုက်သည်။ “သူဌေး၊ ကျွန်တော့်စွမ်းဆောင်ရည်ကို ကျေနပ်လား”
ကွန်ပျူတာရှေ့၌ ကျန်းရှောင်ယွီသည် မျက်ခုံးပင့်ကာ စာတစ်ချို့ရိုက်လိုက်သည်: [ပြေပါတယ်။]
ပရိသတ်များ လန့်သွားသည်။
[ငါးယောပ်သတ်လိုက်တာကြီးကို ပြေတယ်လို့ပဲခေါ်တယ်လား။ ဒီသူဌေးက အရမ်းလွယ်လွယ် မကျေနပ်တတ်တဲ့သူပဲ။]
[ဒါက မောက်မာရိုင်းစိုင်းတဲ့ သူဌေးပဲ။ လက်ဆောင်ပေးတာကတော့ ကောင်းပေမယ့် သူဌေးကို ချီးကျူးပေးဖို့ မျှော်လင့်နေခဲ့တာလား။]
[ဟုတ်တယ်။ ဆရာက Fred ကို သူ့ခေါ်သွားဖို့ပဲပေးတာ။ ချီးကျူးဖို့မဟုတ်ဘူး။]
[Fredရဲ့ ငွေကြေးထောက်ပံ့သူအပေါ် ဝန်ဆောင်မှုက ပိုကောင်းရမယ်။]
ပရိသတ်များသည် ဤသူဌေးမှာ လွယ်လွယ်မကျေနပ်နိုင်လွန်းဟု ခံစားခဲ့သည်။
သူတို့မသိခဲ့သည်မှာ အမြဲစကားပြောကြမ်းသော ကျန်းရှောင်ယွီအတွက်….
ဆူပူမှုမရှိဘဲ ပိုင်ဖန်းကစားခဲ့သည်မှာ ပြေသည်ဟု ပြောခဲ့သည့်အချက်မှာ အလွန်ကောင်းသော သုံးသပ်ချက်ဖြစ်နေခဲ့ခြင်းပင်။
တကယ်တမ်းတွင် လက်ရွေးစင်အသင်း၏ သေနတ်ပစ်သမားဖြစ်သော မိုဟန်တျန်းအပေါ်သူ၏သုံးသပ်ချက်မှာ: မင်းကဒီအဆင့်မှာပဲရှိသေးတာလား။ ဘာလို့ဂိမ်းကိုမဖျက်ပစ်တာလဲ ဟူ၍ဖြစ်သည်။
