အခန်း ၃၂
ခွင့်ပြုခြင်း
နောက်တစ်နေ့ မနက်တွင် ဖုန်းယွီသည် သူ၏ ဝန်ထမ်းများကို သိုလှောင်ရုံထဲမှ ကုန်ပစ္စည်းများအား ရထားတွဲပေါ် တင်စေခဲ့သည်။ သူသည် အချို့သော ကုန်သွင်းသူများနှင့် ကီရီလန်ကို ရှေ့တွင် ငြင်းခုံ ဆွေးနွေးနေသည်။ သူက သူတို့ကို ဈေးလျော့ပေးရန် ကြိုးစားနေသည်ဟု ထင်အောင် လုပ်နေခြင်း ဖြစ်သည်။ တကယ်တော့ ဖုန်းယွီသည် သူတို့နှင့် ကုန်ပစ္စည်းများ မော်စကိုရောက်မှ ငွေပေးချေမည့် အကြောင်း ဆွေးနွေးနေကြတာ ဖြစ်သည်။
သူတို့ထဲမှ အများစုက အင်တင်တင်နှင့် သဘောတူလိုက်သော်လည်း အများစုက ဖုန်းယွီနှင့် ငြင်းခုံနေခြင်း ဖြစ်သည်။ ယခုအချိန်က သူတို့ အတူတူ အလုပ်လုပ်တာ ပထမဆုံး အကြိမ်ဖြစ်ပြီး စာချုပ်တွင်လည်း လက်မှတ်ထိုးပြီး ဖြစ်သည်။ စာချုပ်ထဲတွင် ပါသည့် အချက်အတိုင်း လိုက်နာရန် လိုအပ်သည်။
ကီရီလန်ကိုသည် ဖုန်းယွီ သူ့အတွက် အရာအားလုံးကို လုပ်ပေးသည်ကို တွေ့မြင်နေရသည်။ ဖုန်းယွီသည် တကယ် လက်ဖျားခါရသည့် သူငယ်ချင်းမျိုး ဖြစ်သည်။ ကီရီလန်ကိုသည် ဖုန်းယွီအတွက် နောက်တစ်ခေါက် ခရီးတွက် ပေးမည့် လက်ဆောင်အကြောင်း စဉ်းစားနေသည်။ ဖုန်းယွီသည် သူ့ကို အနည်းငယ် လှည့်စားထားသည်ကိုတော့ သူအနည်းငယ် သိသည်။
ခဲတစ်လုံးထဲနှင့် ငှက်နှစ်ကောင်ပစ်လိုက်သည်။ ဖုန်းယွီသည် နောက်ငွေပေးချေမှုအတွက် သဘောတူသည့် ကုန်သွင်းသူများကို မှတ်ထားပြီး ငြင်းသည့် သူများကိုလည်း မှတ်ထားသည်။ သူသည် သဘောတူသည့် ကုန်သွင်းသူများနှင့် ဆက်လက် အလုပ် လုပ်မည် ဖြစ်ပြီး ငြင်းဆိုသူများကိုတော့ ဖယ်ထုတ်လိုက်ပြီး သူတို့နေရာတွင် အစားထိုး ရှာမှာ ဖြစ်သည်။
တတိယမြောက်နေ့တွင် ကုန်ပစ္စည်းအကုန် တင်ပြီး ဖြစ်သည်။ ကီရီလန်ကိုသည် ပိုက်ဆံထည့်ထားသည့် အိတ်ကြီးတစ်လုံးကို ဖုန်းယွီအတွက် သယ်လာခဲ့သည်။
ကီရီလန်ကိုသည် ဖုန်းယွီကို သူ့အနေဖြင့် ထိုမျှများပြားသည့် ငွေကြေးပမာဏကို သယ်ဆောင်ရခြင်းက အဆင်မပြေကြောင်း ပြောသည်။ နိုင်ငံတကာ ဘဏ်အကောင့် ဖြင့် တရုတ်တွင် ငွေထုတ်ရန်လည်း အခက်အခဲ များစွာ ရှိသည်။ ဖုန်းယွီသည် ထိုအရေးကို ဖြေရှင်းရန်အတွက် နည်းလမ်းတစ်ခု စဉ်းစားမိကြောင်း ချက်ချင်း ပြန်ပြောလိုက်သည်။ အနာဂတ်တွင် ကီရီလန်ကိုသည် သူ့ကို ကြေးနန်းမှ တဆင့် ပို့နိုင်ပြီး ဖုန်းယွီသည်လည်း ဝယ်ယူခြင်းနှင့် ရထားတွဲပေါ် သူ့အတွက် ပစ္စည်းတင်ခြင်းကို ပြုလုပ်နိုင်ပေသည်။
ကီရီလန်ကိုသည် တွန့်ဆုတ်သွားပြီးနောက် သူသည် ထိုအကြောင်းကို စဉ်းစားဦးမည် ဖြစ်ကြောင်း ပြောလိုက်သည်။ သူတို့ နောက်ပိုင်းတွင် ကီရီလန်ကို၏ ခရီးအကြောင်း ပြောကြပေမည်။ ငွေကြေးပမာဏသည် များလွန်းသောကြောင့် ကီရီလန်ကိုသည် သေချာပေါက် ဂရုစိုက်ရပေမည်။ နောက်တစ်ကြိမ် သူလာသည့် အခိုက် သူသည် ကုန်သွယ်မှုအကြောင်း နားလည်သည့် လူအချို့ကိုပါ ခေါ်ခဲ့မည် ဖြစ်သည်။ ဖြစ်နိုင်လျှင် သူသည် ဖုန်းယွီနှင့်လည်း စာချုပ် ချုပ်ဆိုချင်သေးသည်။
မကြာမီ ကီရီလန်ကို ထွက်သွားသည်နှင့် ဖုန်းယွီ၏ ရုံးထဲတွင် လူအုပ်ကြီး ရှိနေတော့သည်။ ကုန်ပစ္စည်းများ တင်ပို့သွားပြီး စာချုပ်အရ ငွေကောက်ရန် အချိန် ဖြစ်သည်။
ဖုန်းယွီသည် သူ၏ လက်ကို မြှောက်လိုက်ကာ
“ဘဏ်ကို အခု သွားရအောင်။ ဒီတစ်ကြိမ်က ငါတို့ရဲ့ ပထမဆုံး ရင်းနှီး မြှပ်နှံမှုပဲ ကျွန်တော် အနေနဲ့ ငွေပေးချေမှုကို အချိန်ဆွဲ အကြွေးတင်ခံမှာ မဟုတ်ဘူး။ ကျွန်တော်တို့ အနာဂတ်ရဲ့ အပေးအယူက ခင်ဗျားတို့ ရိုးသားမှန်ကန်မှု ဘယ်လောက် ရှိလည်း ဆိုတဲ့ အပေါ်ပဲ မူတည်လိမ့်မယ်။”
၄၅၀,၀၀၀ရူဘယ် ဘဏ်ကို ယူလာသည်ကို မြင်သောအခါ ဘဏ်မန်နေဂျာက ထိတ်လန့်သွားတော့သည်။ များပြားသည့် နိုင်ငံခြားငွေများ ကြောင့် သူသည် အရေးပါသည့် ဧည့်သည် တစ်ယောက် ဖြစ်သည်။
အများကြီး ပြောစရန် မလိုပေ။ ဘဏ်တွင် ယွမ်ငွေ အလုံအလောက် မရှိဘူးလား။ ပြဿနာ မရှိ။ အချို့သော ကုန်သွင်းသူများသည် ဘဏ်ငွေ လွဲပြောင်းရာမှ လက်ခံလိုက်ကြသည်။ အချို့သော သူများသည် သူတို့အနေဖြင့် နိုင်ငံခြား ငွေကြေးများကို လက်ခံလိုကြောင်း ပြသနေကြသည်။
နိုင်ငံခြားငွေ လက်ခံပြီး လွဲပေးမှာလား။ ဘဏ်မန်နေဂျာက လုံးဝ လက်မခံပေ။ နိုင်ငံခြားငွေ လဲလှယ်ခြင်းက ထိုခေတ်က အမြတ် များစွာ ရပေသည်။ ဘဏ်ခွဲ မန်နေဂျာက ချက်ချင်းပင် ဌာနချုပ်ကို ဖုန်းဆက်ပြီး ငွေများ လွဲရန် တောင်းဆိုလိုက်တော့သည်။
ကုန်သွင်းသူများ ပြန်သွားပြီးနောက် ဘဏ်ခွဲ မန်နေဂျာက ဖုန်းယွီကို ဆုတ်ကိုင်ပြီးနောက် မည်သည့် နေရာတွင် နိုင်ငံခြားငွေ အများအပြား ရနိုင်မလဲ ဆိုတာ မေးလိုက်သည်။
ဖုန်းယွီသည် ဘဏ်နေဂျာထံမှ စီးပွားရေး သဘောတူညီချက် တစ်ခု ပြီးမြောက်ခဲ့သည်ကို သိရှိပြီးနောက် ဘဏ်မန်နေဂျာသည် စိတ်ပျက်သွားတော့သည်။ သူသည် တစ်ကြိမ်တည်း စီးပွားရေး သဘောတူညီချက်ဟု တွေးခဲသည်။ ဘဏ်မန်နေဂျာသည် တည်ငြိမ်သည့် နိုင်ငံခြားငွေကြေး ပေးသွင်းသူကို ရှာဖွေနေပြီး ဖုန်းယွီသည် တည်ငြိမ်သည့် လမ်းကြောင်းတစ်ခုဟု တွေးခဲ့သည်။
ဖုန်းယွီသည် ဆိုဖာပေါ်ကို မှီလိုက်ပြီး သူ၏ ခြေထောက်များကို ချိတ်ကာ
“မန်နေဂျာကျူ တကယ်တော့ နိုင်ငံခြားငွေကြွေးရဲ့ ပုံမှန်သွင်းဖို့က မဖြစ်နိုင်ပေမဲ့ ကျွန်တော်ရဲ့ ခွင့်ပြုမိန့်အတွက်လည်း ပြဿနာ အချို့ ဖြစ်နေတယ်”
မန်နေဂျာသည် ချက်ချင်း တစ်ယောက်ယောက်ကို ဖုန်းယွီအတွက် လက်ဖက်ရည်ကောင်း တစ်ခွက်ယူရန် မေးလိုက်ပြီး ပြောလိုက်သည်။
“မစ္စတာဖုန်း။ ဘယ်လို ပြဿနာတွေ တွေ့နေရလို့လဲ။ ကျွန်တော် ကူညီနိုင်မလား”
“ကျွန်တောက်မှာ ကုမ္ပဏီ တစ်ခု ရှိပြီး ကျွန်တော် သွင်းကုန် ပို့ကုန် ကုန်သွယ်မှုကို လိုချင်တယ်။ ကျွန်တော်မှာ ရောင်းချရမဲ့ လမ်းကြောင်းတွေနဲ့ ကုန်သွင်းသူတွေကလည်း အဆင်သင့်ပဲ။ ဒါပေမဲ့ ကျွန်တော်က ခွင့်ပြုမိန့်နဲ့ ပတ်သတ်ပြီး ပြဿနာ တစ်ခု ရှိနေတယ်။ အခုလက်ရှိ ကျွန်တော်မှာ ပို့ကုန် ခွင့်ပြုမိန့်သာ ရှိသေးပြီး သွင်းကုန် သွင်းကုန် ခွင့်ပြုမိန့် မရှိသေးဘူး။”
“ကျွန်တော် နိုင်ငံခြား ကုန်သွယ်ရေး ဌာနအကြီးအကဲ မစ္စတာလီနဲ့ ကျွန်တော် သိတယ်။ ကျွန်တော် ခင်ဗျားအတွက် စီစဉ်စရာ ရှိတာ စီစဉ်ပေးမယ်။ ဒါပေမဲ့ ခင်ဗျားတို့ ကုမ္ပဏီရဲ့ ဘဏ်အကောင့်ကိုတော့ ကျွန်တော်တို့ ဘဏ်မှာ အကောင့်သေချာပေါက် ဖွင့်ပေးရမယ်။ ပြီးတော့ ပို့ကုန် တန်ဖိုးက တစ်လကို ၄၀၀,၀၀၀ရူဘယ်အောက် မနည်းရဘူး”
မန်နေဂျာကျူးက ပြောလိုက်သည်။
မန်နေဂျာကျူးသည် ဖုန်းယွီသည် သူ့နည်း သူ့ဟန်ဖြင့် စီးပွားရေးလုပ်ကိုင်နေတာ သို့သော်လည်း သူတွင် တောင့်တင်းသည့် နောက်ခံ မရှိပေ။
မန်နေဂျာကျူသည် တစ်နှစ်တွင်း နိုင်ငံခြားငွေ သန်းပေါင်းများစွာ ရနိုင်ခဲ့လျှင် သူသည် ပြည်နယ်ဘဏ်ကို ရာထူးတိုးခံရမည် ဖြစ်သည်။
“အဲ့တာဆို မန်နေဂျာကျူးကို ဒုက္ခပေးရတော့မှာပဲ။ တစ်လကို ရူဘယ်လ် ၄၀၀,၀၀၀ရဖို့ က တော်တော်လေး ခက်ခဲတယ်။ ဒါပေမဲ့ ကျွန်တော် စုငွေစာရင်းထဲမှာ နိုင်ငံခြားငွေ အားလုံးကို ကျွန်တော်ကို ယွမ်အဖြစ် ပြောင်းပေးမယ်ဆိုရင် ကျွန်တော် ကတိပေးပါမယ်။”
ဖုန်းယွီက ပြောလိုက်သည်။
ကီရီလန်ကိုသည် ဖုန်းယွီ၏ အဆိုပြုချက်ကို သဘောမတူပါက ဖုန်းယွီသည် မန်နေဂျာကျူးကို ကတိမပေးရဲပေ။
“ဒါက သဘောတူညီမှုပဲ။ ငါ ဌာနအကြီးအကဲလီကို မနက်ဖြန် ညစာစားဖို့ မေးလိုက်မယ်။ နေရာက….”
မန်နေဂျာကျူးက မေးလိုက်သည်။
“ဟွမိန်း စားသောက်ဆိုင် ဆိုရင်ကော ဘယ်လိုလဲ။ ကျွန်တော် ဘိုကင် ယူထားလိုက်မယ်။”
ဖုန်းယွီက မေးလိုက်သည်။
မန်နေဂျာကျူး၏ မျက်လုံးများ လင်းလက်သွားသည်။ ဟွမိန်း အနောက်တိုင်းစားသောက်ဆိုင်သည် အလွန်ဈေးကြီးသည်။
“အတည်ဖြစ်ပြီနောက် မနက်ဖြန် ညနေခင်း ၅နာရီ”
မန်နေဂျာကျူးက ပြောလိုက်သည်။
ဖုန်းယွီသည် နောက်နေ့တွင် Ladaကားဖြင့် မန်နေဂျာကျူးကို သွားကြိုသည့်အခါ မန်နေဂျာကျူးသည် လွန်စွာ အံ့ဩသွားသည်။ တစ်စုံတစ်ယောက်သည် ထိုခေတ်က ပြည်ပမှ တင်သွင်းသည့် ကားများ မောင်းနိုင်ပါက သူသည် စွမ်းရည် ထက်မြက်သည့်သူ တစ်ဦး ဖြစ်သည်။
ဌာနမှူးလီ၏ ကားသည် ငါးနာရီ တိတိတွင် ဟွမိန်းအနောက်ပိုင်း စားသောက်ဆိုင်ကို ငါးနာရီ တိတိတွင် ရောက်သွားသည်။ မန်နေဂျာကျူးသည် လက်နှစ်ဖက်ကိုင်ကာ နှုတ်ဆက်လိုက်တော့သည်။
ဖုန်းယွီသည် ဌာနအကြီးအကဲလီ၏ လက်တစ်ဖက်ကိုသာ နည်းနည်းကိုင်ပြီး နှုတ်ဆက်လိုက်သည်။ အကြီးအကဲလီသည် ချက်ချင်းပင် ထိုကလေးက တော်တော် လောဘကြီးမှန်း တွေးမိသွားသည်။
ကံကောင်းချင်တော့ ဌာန အကြီးအကဲလီသည် စားသောက်ဆိုင်ကို ကျေနပ်နေ၏။ ဖုန်းယွီ မှာယူသည့် ဟင်းပွဲများက စားသောက်ဆိုင်၏ အထူးဟင်းပွဲများ ဖြစ်သည်။ သူသည် ဆာလ်မွန်ငါး၊ သိုးနံရိုးကင်၊ ပုဇွန်ကင်နှင့် စားသောက်ပွဲ အများအပြား မှာယူခဲ့ခြင်း ဖြစ်သည်။
တခဏကြာ စားပြီးနောက် မန်နေဂျာကျူးက ပြောလိုက်သည်။
“ဌာနအကြီးအကဲလီ ညီလေးဖုန်းရဲ့ ခွင့်ပြုမိန့်ရဖို့ ကူညီပေးဖို့အတွက် အကြီးအကဲလီ ကူညီပေးဖို့ လိုနေတယ်”
အကြီးအကဲလီသည် သူ့ဝိုင်ခွက်ကို ကိုင်ကာ ပြောလိုက်သည်။
“သွင်းကုန် ခွင့်ပြုမိန့်ရဖို့က လွယ်ကူတဲ့ ကိစ္စမဟုတ်ဘူး။ အစိုးရက အခု ပို့ကုန်ပို့ဖို့ကို အားပေးနေတာ။ ပို့ကုန်အတွက်ဆိုရင်တော့ ခွင့်ပြုမိန့်ရဖို့ လွယ်ကူတယ်”
“ဌာနအကြီးအကဲလီ။ တရုတ်က တခါးဖွင့်ဝါဒ အခုကျင့်သုံးလာပြီး ကျွန်တော်တို့ကို ကုန်သွယ်ဖို့အတွက် အားပေးနေတယ်။ ကျွန်တော်က ပို့ကုန်ခွင့်ပြုမိန့်ကို ရချင်ပေမဲ့ ဒါကလည်း ကျွန်တော်တို့ တိုင်းပြည်ရဲ့ ထုတ်ကုန်တွေ တက်လာပြီး ကျွန်တော်တို့ ပြည်သူတွေရဲ့ လူနေမှု အဆင့်အတန်းကို မြင့်မားလာစေမှာ။”
ဖုန်းယွွီက ပြောလိုက်သည်။
“မင်းပြောချင်တာက မင်းလုပ်သမျှ အရာအားလုံးကို လူတိုင်း ကောင်းဖို့လား”
ဌာန အကြီးအကဲလီက ပြောလိုက်သည်။
ဌာနအကြီးအကဲလီသည် ဟာသ အလွန်နှောနေသော်လည်း ဖုန်းယွီသည် စိတ်ထဲမထားပေ။ မန်နေဂျာကျူးသည် ပိုကြီး ကြောင့်ကြလျက်ရှိသည်။ ဖုန်းယွီသည် မန်နေဂျာကျူးအတွက် နိုင်ငံခြားငွေ ခွဲတမ်းအတွက် ယခုနှစ်တွင် အတော်လေး မြင့်လျက်ရှိပြီး ဖုန်းယွီသည် ဌာနမှုးအကြီးအကဲလီနှင့် သဘောတူညီမှု လုပ်နိုင်မည်ဟု ယုံကြည်သည်။
“ဌာနမှုး အကြီးအကဲလီ “ပြည်သူ့နေ့စဉ်” သတင်းစာက ဆောင်းပါးကို ကြည့်ပါဦး။ ကျွန်တော်တို့ နိုင်ငံက ဆိုဗီယက်ပြည်ထောင်စုနဲ့ ခင်မင်ရင်းနှီးမှု ပြန်လည်တည်ဆောက်နေတယ်။ ကျွန်တော်ရဲ့ ဖောက်သည် လာတဲ့အခါ ကျွန်တော် ကျွန်တော်တို့ရဲ့ ပြည်တွင်းထုတ် ကုန်ပစ္စည်းတွေကို ရထားတွဲနဲ့ မော်စကိုကို ပြန်သယ်သွားတယ်။ ဒါက ကျွန်တော်တို့ နိုင်ငံရဲ့ ဖွံ့ဖြိုးမှုအတွက် ကောင်းမွန်တဲ့ အခွင့်အရေး တစ်ခုပဲ။ ဒါအပြင် ကျွန်တော် တင်သွင်းတဲ့ ကုန်ပစ္စည်းက အခုလက်ရှိ တရုတ်ပြည်မှာ မထုတ်နိုင်သေးဘူး။ ကျွန်တော် ဆိုဗီယက် ပြည်ထောင်စုက ပစ္စည်းတွေ ပြန်ဝယ်ပြီး ကျွန်တော်တို့ ကိုယ်တိုင် လေ့လာနိုင်ရင်ကော ဘယ်လိုလဲ။ အဲ့ဒီအရာကို ကျွန်တော်တို့ တိုင်းပြည် ခေတ်မှီ ဖွင့်ဖြိုး တိုးတက်ဖို့အတွက် အထောက်အပံ့လို့ စဉ်းစားလို့ မရဘူးလား။”
ဖုန်းယွီက ပြောလိုက်သည်။
ဌာန အကြီးအကဲလီသည် “ပြည်သူ့နေစဉ်” သတင်းစာကို ကြည့်လိုက်သည်။ သတင်းက အလွန်ရှင်းလင်းသည်။ တရုတ်သည် နိုင်ငံခြား ကုန်သွယ်မှုကို အားပေး နေသည်။ အထူးသဖြင့် ဆိုဗီယက် ပြည်ထောင်စုနှင့် အမေရိကန်ပြည်ထောင်စုသည် သူတို့နှင့် များစွာသော ကုန်သွယ်မှု သဘောတူညီချက်များကို လက်မှတ်ထိုးထားသည်။
ကမ်းရိုးတန်း ပြည်နယ်မျာသည် တရုတ်ပြည်၏ စီးပွားရေး တိုးတက်မှုအတွက် ရှေ့ပြေးမှ ဖြစ်သည်။ ထိုအရာက ကမ်းရိုးတန်း ပြည်နယ်များနှင့် ကုန်းတွင်းပိတ် ပြည်နယ်များအတွက် ကြီးမားသည့် ကွာဟချက် ဖြစ်သည်။ ဖုန်းယွီနေထိုင်သည့် ပြည်နယ်အတွက်မူ ပြည်နယ်သည် ရုရှားနှင့် နယ်စပ် ဖြစ်သည်။
ယမန်နေ့က အစည်းအဝေးတွင် ပြည်နယ်ခေါင်းဆောင်များက နယ်စပ်ဒေသတွင် သွင်းကုန်၊ပို့ကုန် နိုင်ငံခြား ကုန်သွယ်ရေးအကြောင်းနှင့် ပြည်သူလူထုအတွက် လူနေမှု အဆင့်အတန်း တိုးတက်ဖို့အတွက် မေးမြန်းခဲ့သည်။ ခေါင်းဆောင်များက နိုင်ငံခြား သွင်းကုန် ထုတ်ကုန် ရောင်းဝယ်ရေး ကုမ္ပဏီများ အများအပြား ရှိလာစေရန် လိုလားနေကြပြီး ကုမ္ပဏီများ၏ လည်ပတ်မှုမှာလည်း အတိုင်းအတာ တစ်ခုအထိ ရောက်လာစေရန် လိုချင်နေကြသည်။
တကယ်တော့ ဌာနမှူးအကြီးအကဲလီသည် ယခုတွင် အလွန်စိုးရိမ်နေသည်။ လူများစွာက ပို့ကုန်၊သွင်းကုန် စီးပွားရေး လုပ်ကိုင်နေပြီ ဖြစ်သည်။ များစွာသော တရုတ်များသည် ဆိုဗီယက် ပြည်ထောင်စုသည် တောင့်တင်းသည့် နိုင်ငံ တစ်ခု ဖြစ်ပြီး မည့်သည့်အတွက်ကြောင့် တောင်တင်းသည့် နိုင်ငံတစ်ခုက သူတို့၏ ထုတ်ကုန်များကို လိုအပ်သနည်းဟု တွေးကြသည်။ ထပ်ပြောရလျှင် ဆိုဗီယက် ပြည်ထောင်စုမှ ထုတ်ကုန်များက ဈေးကြီးလွန်းသည်။ ထိုသို့ သွင်းကုန်များနှင့် လူများကို ပိုက်ဆံ ဘယ်လို ရှာနိုင်မည်နည်း။
မန်နေဂျာကျူးက ဌာနအကြီးအကဲ လီနားယိမ်းကာ တီးတိုးပြောလိုက်သည်။
“ဌာနအကြီးအကဲလီ ကျွန်တော်ကို ကျေးဇူးပြုပြီး ကူပေးပါ။ ကျွန်တော် နိုင်ငံခြားငွေ အမြောက်အမြားကို ရစရာ ရှိတယ်။”
ထိုအတွက် ဌာနအကြီးအကဲလီသည် ရရန်အတွက် ခက်ခက်ခဲခဲ ကြိုးပမ်းရပေမည်။ စိတ်ထဲတွင်တော့ တစ်ယောက်ယောက်က သွင်းကုန်ပို့ကုန် စီးပွားရေး လုပ်ကိုင်မည်ကို ကြားသိသည့်အတွက် အလွန် ပျော်ရွှင်နေသည်။ သူသည် သူ၏ ခေါင်းဆောင်များကို အဖြေပေးနိုင်တော့မည် ဖြစ်သည်။
“အဲ့လိုမှာတော့ ခွင့်ပြုမိန့်တောင်းခံဖို့အကြောင်း ငါစဉ်းစားပေးမယ်။ ရှောင်ယွီ မနက်ဖြန် ငါ့ရုံးခန်းကို လာခဲ့။ ငါအခု ပြန်ပြီး မင်းရဲ့ တောင်းဆိုမှုနဲ့ ပတ်သတ်ပြီး အစည်းအဝေး လုပ်ဦးမယ်။”
ဌာန အကြီးအကဲလီက ပြောလိုက်သည်။
